Dimash Qudaibergen álemdegi eń tanymal «Starbox magazine» internet-jýrnalynyń fotosessiiasyna qatysyp, ánshiniń sýreti basylymnyń muqabasyna shyqty. Basylym jaqyn arada jelige shyǵatyn bolady, dep habarlaidy QazAqparat qazaqstandyq ánshiniń Instagramdaǵy paraqshasyna silteme jasap.
«Starboh» tanymal tulǵalar, belgili ánshiler men shoý-biznes juldyzdarynyń suhbattary men foto sýretterin jariialaityn internet basylym. Buǵan deiin bedeldi basylymnyń basty betine bolgarlyq jáne reseilik ánshi Kristian Kostov shyqqan bolatyn. Aita keteiik, Belarýs elindegi «Slavian bazarynan» keiin Dimash Qudaibergenniń juldyzy janyp, ol estradalyq án oryndaýshylar arasyndaǵy XXIV halyqaralyq baiqaýdyń Bas júldesin jeńip aldy. Sodan keiin Qytaidaǵy Singer-2017 baiqaýynda ekinshi oryndy ielendi.
Buǵan deiin habarlaǵanymyzdai, qazaqstandyq ánshi Dimash Qudaibergen belgili amerikalyq Ranker.com saitynyń «Barlyq dáýirdiń úzdik ánshisi» (The Best Singers of All Time) baiqaýynyń daýys berý tizimine engizildi. Ánshi eki jyl qatarynan 2017-2018 jyldardaǵy eń kórikti tulǵalar tizimine de kirdi. 2018 jyldyń 9 qarashasynda QR Mádeniet jáne sport ministrliginiń uiymdastyrýymen Londonnyń ortalyǵynda Dimashtyń jeke kontserti ótkizildi.
Dimash Qudaibergen 22-23 naýryzda Resei astanasyndaǵy Kreml saraiynda jeke kontsertin ótkizdi. Artynsha amerikalyq naǵyz talanttar synǵa túsetin The World's Best shoýynyń finalyna ótti. Sondai-aq, qazaqstandyq ánshi 2019 jyldyń 7 maýsymy kúni oraldyq jas ánshi, baiqaýdyń jeńimpazy Erjan Maksim de óner kórsetetin «MÝZ-TV 2019 syilyǵynyń» arnaiy qonaǵy bolmaqshy.
2019 jyldyń 29 maýsymy kúni ánshiniń jeke kontserti elimizdiń bas qalasynda ótetin bolady. Dimashtyń álem boiynsha jankúierleri Nur-Sultan qalasyna jinalady. Al biylǵy jyldyń kúzinde Niý-Iorkte Dimash Qudaibergenniń shoý-kontserti ótedi dep josparlanyp otyr.
