Kanadalyq La Press gazetinde Dimashtyń sýreti berilgen banner jaryq kórdi, dep habarlady madeniportal.kz.
Dimash Qudaibergenniń kanadalyq jankúierleri Kanadadaǵy aiyna 4 millionǵa jýyq oqyrmandy qamtyǵan áigili La Presse gazetine jarnama usyndy.
2024 jyldyń 9 qarashasy men 22 qarashasy aralyǵynda «Óner jáne mýzyka» bóliminde Dimashtyń án oryndap jatqan videosyna siltemesi bar 25 000 bannerlik jarnama ornalastyryldy.
Jobanyń bastamashylary jarnamaǵa jańa tyńdaýshylardy tartyp, Kanadanyń frantsýz tildi turǵyndary arasynda Dimash shyǵarmashylyǵynyń biregeiligin tanytady dep úmittenedi. Naýqan ánshiniń jaqynda Frantsiiaǵa saparynyń úlken tabysynan keiin bastalǵan bolatyn.
Dimashtyń Frantsiia men Kanadada moiyndalǵan S.O.S ánin oryndaýy ásirese Kvebek pen basqa provintsiialardyń frantsýz tildi turǵyndary arasynda tanymal boldy.
La Presse-degi jarnamalyq naýqan Qazaqstanǵa degen qyzyǵýshylyqtyń artqanyn atap ótti. Biyl osy gazette elimizdi saiahat pen mádeni almasýdyń biregei mekeni retinde kórsetetin maqalalar toptamasy jariialandy.
