Foto: ánshiniń Instagram-daǵy paraqshasynan
Álemge tanymal qazaqstandyq ánshi Dimash Qudaibergen "Karić brothers award" syilyǵyn ielendi. Bul týraly ol Instagram paraqshasynda jazdy, - dep habarlaidy "Ult aqparat".
"Qurmetti dostar! Búgin Serbiianyń Belgrad qalasynda “Karić brothers award” syilyǵyna ie boldym. Meni árdaiym qoldap júrgen barsha tyńdarman qaýymǵa shyn júrekten alǵys.
Aǵaiyndy Karich syilyǵy álemge áigili ǵylym, jýrnalistika, ekonomika, mádeniet jáne qoǵam qairatkerlerine tabystalady", - dep jazdy Dimash.
Ánshiniń aitýynsha, 1979 jyldan beri Karich qorynyń syilyǵy buǵan deiin Nobel syilyǵynyń laýreaty bolǵan J.Alferov, P.Handke syndy tulǵalarǵa, sondai-aq Qazaqstannyń tuńǵysh prezidenti N.Nazarbaev, kinorejisser E.Kýstýritsa, qoǵam qairatkeri M.Mazari, tennisshi Novak Djokovich, akter Stiven Sigal – barlyǵy 150-den astam daryndy adamǵa tabystalǵan.
