Dimash Qudaibergen qaiyrymdylyq uiymymen birlesip, Nur-Sultan qalasyndaǵy ulttyq ǵylymi onkologiia ortalyǵyna meditsinalyq jabdyqtar men materialdardy syiǵa tartty, dep habarlaidy QazAqparat ánshiniń resmi saityna silteme jasap.
2021 jylǵy 16 qańtarda Dimash Qudaibergen Tixr amerikandyq platformasynda qaiyrymdylyq sipaty bar Project C. U. R. E. kommertsiialyq emes uiymymen birge «Dimash Digital Show» onlain-kontsertin ótkizdi.
Dimash pen project C. U. R. E. qaiyrymdylyq uiymynyń birlesken jumysynyń nátijesinde Nur-Sultan qalasynyń ulttyq ǵylymi onkologiia ortalyǵyna meditsinalyq jabdyqtar men materialdar jetkizildi.
Meditsinalyq ortalyqqa kereýetter, múmkindigi shekteýli jandarǵa arnalǵan arbalar, hirýrgiialyq bas kiimder, qolǵaptar, hirýrgiialyq maskalar, kózildirikter, betperdeler, N-95 halattar men maskalar berildi.
2022 jyldyń 21 aqpanynda «DimashAli» shyǵarmashylyq ortalyǵynyń jetekshisi Qanat Aitbaev, «DimashNews» redaktsiiasy jáne joba úilestirýshisi Qymbat Jaqypova «UǴOO» baryp, jetkizilgen júkti qarap, ortalyq qyzmetkerlerimen áńgimelesti.
«UǴOO» basqarma tóraǵasynyń birinshi orynbasary Qanat Syzdyquly Satybaev «DimashNews» tilshisine bergen suhbatynda:
«Qazirgi ýaqytta álemdegi epidemiologiialyq jaǵdaida onkologiialyq naýqastardy emdeýge arnalǵan jabdyqtar men materialdardy ortalyq belsendi qoldanyp jatyr. Kereýetter palatalarǵa ornatylady, meditsinalyq materialdar qyzmetkerler men patsientterdiń qaýipsizdigin qamtamasyz etýde», – dedi.
Koronavirýs infektsiiasy bar onkogematologiialyq naýqastarǵa arnalǵan mamandandyrylǵan bólimde jumys isteý kezinde jeke qorǵanys quraldary erekshe ról atqarady.
Bul bólimshe «UǴOO» bazasynda ashyldy, óitkeni mundai patsientterdi jalpy beiindegi statsionarlarǵa jatqyzý onkologiialyq naýqastardaǵy nóldik immýnitettiń saldarynan óte úlken qaýipke ie.
Kezdesý qorytyndysy boiynsha Qanat Satybaev «UǴOO» atynan kórsetilgen gýmanitarlyq kómek úshin alǵysyn jetkizdi.
Dimash Qudaibergenge onyń jumysynda tabys tilep, aýyr syrqattyń saldarynan ómirde yntasyn joǵaltqan kóptegen patsientter úshin shyǵarmashylyqqa baýlý óte mańyzdy sát bolyp tabylatynyn jáne adamdardyń ári qarai ómir súrýine kómektesetinin atap ótti.
«Bul kómek biz úshin shynymen múmkin bolatyn kómek boldy. Joǵaryda aitqanymdai, bizdiń ortalyqtyń negizinde onkologiialyq naýqastarǵa arnalǵan COVID-bólimshesi ashyldy, sondyqtan biz olardy kovidtik statsionarǵa jibermeimiz jáne olar osynda emdeldi. Bizge osyndai mindet qoiyldy, biz ony tolyǵymen iske asyrdyq jáne bizge berilgen gýmanitarlyq kómekti qoldandyq. Biz bul múmkindikti naýqastarymyzdyń igiligi úshin odan ári paidalanýdy jalǵastyramyz. Bir adamnyń ómirin qutqarý – úlken marapat» , – dedi Qanat Satybaev.
Ulttyq ǵylymi onkologiialyq ortalyq 2018 jyly quryldy jáne búgingi kúni Ortalyq Aziia óńiri elderinde onkologiia salasyndaǵy jetekshi ǵylymi ortalyq sanalady.
Onkologiia ortalyǵynda joǵary bilikti mamandar halyqaralyq standarttarǵa sáikes patsientterge onkologiialyq kómek kórsetedi, onkologiialyq isikter boiynsha operatsiialardyń barlyq túrlerin júrgizedi, sondai-aq búirek pen baýyr aýystyryp salýdy júzege asyrady.
Qazirgi ýaqytta elordada joǵary tehnologiialyq jabdyqtarmen jabdyqtalǵan jańa onkologiialyq ortalyq salý jobasy iske asyrylýda, onda halyqaralyq tájiribe belsendi paidalanylady.
Ulttyq onkologiia ortalyǵynda eń ozyq tehnologiialar, sáýlelik, lazerlik, protondyq jáne iadrolyq meditsina bólimsheleri usynylatyn ǵylymi-zertteý zerthanalaryn, bilim jáne klinikalyq bazany qamtityn halyqaralyq deńgeidegi jetekshi ortalyqqa ainalady dep josparlanǵan.
Patsientter Qazaqstan aýmaǵynda erte diagnostikadan bastap joǵary tehnologiialyq emdeý men ońaltýǵa deiingi meditsinalyq kómektiń búkil keshenin shetelge shyqpai-aq ala alady.
