QR Halyq ártisi, ánshi Dimash Qudaibergen sý tasqynynan zardap shekken aqtóbeliktermen kezdesti, dep habarlaidy "Ult aqparat".
Aita keteiik, ánshi qiyn sátte jerlesteriniń janyna tabylyp, qaiyrymdylyq qoryna 15 million teńge qarjy aýdardy.
"Bala kezden bastap tileýimdi tilep, biikke qanat qaǵyp, qalyqtap júrsin degen tilek tilep júrgen jerlesterimniń qal-jaǵdaiyn bilmei kete almadym. Jańalyqtardan memleket tarapynan aýqymdy somada kómek berilip jatyr degendi oqyp jatyrmyn. Eń bastysy, elimiz aman bolsyn, jurtymyz tynysh bolsyn", – dep tilek aitty ánshi.
Sondai-aq óner iesi jeke paraqshasyna video júktep, óńir turǵyndarymen júzdesip, ortalyqtardy aralady.
“Búgin Aqtóbege kelip, sýdan zardap shekken turǵyndarymen kezdestim. Olarǵa qiyndyqty eńserýde myqty bolýǵa shaqyryp,kúshimiz birlikte ekenin aittym. Sonymen qatar qalada ashylǵan gýmanitarlyq kómekti úilestirý ortalyǵyna baryp, volonter jastarmen kezdesip alǵysymdy bildirdim”, – dep jazdy óner iesi.
Eske salaiyq, Dimash Qudaibergen sý tasqynynan zardap shekkenderge qoldaý bildirgenin jazǵan edik.
