قر حالىق ەرتٸسٸ, ەنشٸ ديماش قۇدايبەرگەن سۋ تاسقىنىنان زارداپ شەككەن اقتٶبەلٸكتەرمەن كەزدەستٸ, دەپ حابارلايدى "ۇلت اقپارات".
ايتا كەتەيٸك, ەنشٸ قيىن سەتتە جەرلەستەرٸنٸڭ جانىنا تابىلىپ, قايىرىمدىلىق قورىنا 15 ميلليون تەڭگە قارجى اۋداردى.
"بالا كەزدەن باستاپ تٸلەۋٸمدٸ تٸلەپ, بيٸككە قانات قاعىپ, قالىقتاپ جٷرسٸن دەگەن تٸلەك تٸلەپ جٷرگەن جەرلەستەرٸمنٸڭ قال-جاعدايىن بٸلمەي كەتە المادىم. جاڭالىقتاردان مەملەكەت تاراپىنان اۋقىمدى سومادا كٶمەك بەرٸلٸپ جاتىر دەگەندٸ وقىپ جاتىرمىن. ەڭ باستىسى, ەلٸمٸز امان بولسىن, جۇرتىمىز تىنىش بولسىن", – دەپ تٸلەك ايتتى ەنشٸ.
سونداي-اق ٶنەر يەسٸ جەكە پاراقشاسىنا ۆيدەو جٷكتەپ, ٶڭٸر تۇرعىندارىمەن جٷزدەسٸپ, ورتالىقتاردى ارالادى.
“بٷگٸن اقتٶبەگە كەلٸپ, سۋدان زارداپ شەككەن تۇرعىندارىمەن كەزدەستٸم. ولارعا قيىندىقتى ەڭسەرۋدە مىقتى بولۋعا شاقىرىپ,كٷشٸمٸز بٸرلٸكتە ەكەنٸن ايتتىم. سونىمەن قاتار قالادا اشىلعان گۋمانيتارلىق كٶمەكتٸ ٷيلەستٸرۋ ورتالىعىنا بارىپ, ۆولونتەر جاستارمەن كەزدەسٸپ العىسىمدى بٸلدٸردٸم”, – دەپ جازدى ٶنەر يەسٸ.
ەسكە سالايىق, ديماش قۇدايبەرگەن سۋ تاسقىنىنان زارداپ شەككەندەرگە قولداۋ بٸلدٸرگەنٸن جازعان ەدٸك.
