Foto: Instagram.com
16 jeltoqsanda qazaqstandyq opera ánshisi Bibigúl Tólegenova 95-shi týǵan kúnin atap ótti. Mereili kúnniń qurmetine belgili ánshi Dimash Qudaibergen qazaq mádenietiniń ańyzyna áserli jazba arnady.
Ártis Bibigúl Tólegenovanyń shyǵarmashylyǵyna tamsanatynyn aityp, onyń álemdik mýzykalyq mádenietke qosqan airyqsha úlesin atap ótti.
KSRO men Qazaq KSR Halyq ártisi HH ǵasyrdyń uly opera ánshileriniń birine ainaldy. Onyń bulbul úni Qazaqstandy ǵana emes, odan tys jerlerde de tyńdaýshylardy baýrap aldy.
"Búgin biz Qazaqstannyń rýhani áleminiń simvoly bolyp tabylatyn qazaq mádenietiniń naǵyz ańyz adamy, áigili Bibigúl Tólegenovanyń 95 jyldyq mereitoiyn atap ótýdemiz.
Bibigúl Ahmetqyzy - KSRO-nyń halyq ártisi, Qazaq KSR-nyń halyq ártisi, Sotsialistik Eńbek Eri. Ol bar ómirin ónerge arnap, 20-ǵasyrdaǵy iri opera ánshileriniń birine ainaldy. Onyń bulbul úni Qazaqstannyń ǵana emes, shetel kórermenderiniń de júregin jaýlap aldy. Bibigúl Ahmetqyzy uzaq jyldar boiyna jańa býyn mýzykanttaryna bilim berip, qazaqtyń mýzyka mádenietine úlken úlesin qosyp, jas urpaqty shabyttandyrýyn jalǵastyrýda.
Men osy uly mádeniettiń bir ókili bolǵanyma maqtanamyn. Bibigúl Ahmetqyzy siiaqty sheberler salǵan mádeni joldy jalǵastyrý múmkindigine ie bolǵanyma rizamyn.
Ánderińiz máńgilik shyrqalsyn! Týǵan kúnińizben!", - dep jazdy Dimash.
