Ánshi Dimash Qudaibergen Baqytty Bala festivaline arnaiy keldi. Ol gala kontsertte óner kórsetedi, dep habarlaidy "Ult aqparat".
Aqtóbede Baqytty Bala baiqaýy bastaldy. Oǵan álemniń 7 elinen ónerpazdar qatysyp jatyr.
«Barlyǵy 200-ge jýyq adamnan ótinish tústi. Onyń 20-sy iriktelip, shaqyryldy. Baiqaý «Habar» arnasy men «Dimash Ali» shyǵarmashylyq ortalyǵynyń uiymdastyrýymen ótip jatyr. Oblys ákimdigi qoldady. 2018 jyly baiqaýǵa qatysýǵa 420, 2019 jyly 500-den astam adam ótinish berildi. Bul saiystyń salmaǵyn kórsetedi», - dedi oblystyq mádeniet basqarmasynyń basshysy Altynai Iýnisova.
Baiqaý eki kezeńnen turady. Irikteýden ótip, finalǵa shyqqandar eki án oryndaidy. Biri - ana tilinde, ekinshisi - shetel tilinde.
Gala kontsertte «Slavian bazary» baiqaýynyń jeńimpazy Rýhiia Baidúkenova, Junior Eurovision baiqaýynyń júldegeri Qaraqat Bashanova án shyrqaidy.
Sonymen birge «Baqytty bala» baiqaýynyń buǵan deiingi jeńimpazdary sahnaǵa shyǵady.
«Balalarǵa sáttilik tileimin. Aman bolsyn. Elimizdiń abyroiyn asqaqtatsyn», - deidi ánshi Dimash Qudaibergen.
