Dimash Qudaibergen áleýmettik jelide «Singer» baiqaýynyń gala-kontsertine qatysatynyn jariialady, dep habarlaidy "Ult aqparat".
«...Meniń jankúierlerim! #TheSinger jobasynyń 22 sáýir kúni tikelei efirde daiyndaǵan tosyn syiy bar Sizderge! Dál osy kúni Sizdermen Gala kontsertte kezdesemin! Jobanyń aiaqtalǵanyna ýaiymdap júrgen jankúierlerim úshin bul taǵy bir umytylmas kún bolaryna senimdimin! Ádemi án tyńdap, joba qatysýshylarymen taǵy bir márte júzdese alasyzdar!!! Kezdeskenshe!», - dep jazdy ol Instagramdaǵy paraqshasynda.
Esterińizge sala keteiik, Qazaqstandyq ánshi Dimash Qudaibergen qytailyq Hýnan telearnasynyń «Singer 2017» án baiqaýynyń aqtyq básekesinde ekinshi oryndy jeńip aldy. Gonkong qalasynyń týmasy Lin Ilian (Sandy Lam) birinshi orynǵa, al taivandyq "Arystan" (Lion) toby úshinshi orynǵa qol jetkizdi. Óner dodasy 15 sáýir kúni máresine jetken bolatyn.
Sondai-aq, tanymal Hunan TV telearnasy Qytaida ǵana emes, búkil álemdegi milliondaǵan jannyń kózaiymyna ainalǵan daryndy ánshi Dimash Qudaibergen týraly derekti film túsirip, kórermender nazaryna usynǵany málim boldy.
