Facebook áleýmettik jelisinde Dimash Qudaibergenniń 10 myń dollar syilyq beretini týraly aqparaty bar jalǵan paraqsha ashyldy, dep habarlaidy "Ult aqparat".
2021 jyldyń basynda osy jelide «Timatiden saýalnama» atty jarnama jii shyqqan bolatyn. Aqparat senimdi bolyp kórinýi úshin ártis pen prodiýserdiń atynan videoúndeý jariialanǵan. Videoda olar saýalnamaǵa jaýap bergenderge million teńge beretinin aitqan. Saýalnamaǵa jaýap bergenderdi arnaiy saitqa baǵyttaǵan, ol saitta aqsha utyp alǵany úshin qomaqty komissiia tóleýi kerektigi týraly aitylǵan.
Alaiaqtar Dimash Qudaibergendi de ainalyp ótpedi. Facebook jelisinde Diimaash degen paraqsha paida boldy. Atalǵan paraqshada Dimashtyń sýreti men ony tikelei efirinen úzindi jariialanǵan.
«Men búgin barshańyzǵa bata beremin. Bul kommentarii jazǵan alǵashqy 1000 adamǵa (NAQShA) $ 10,000 alady. Munyń shyn ekenine senińiz. Bul syilyq bizdiń syilyqty buryn-sońdy jeńip almaǵan adamdarǵa arnalǵan», - dep jazylǵan video sipattamasynda.
Bul jalǵan paraqsha ekeniniń taǵy bir dáleli – pikirler arasyna paraqsha avtorlarynyń habarlama qaldyrýy boldy.
«Sálem barlyq jankúierler... bizdiń komandadan platformaǵa senim bildirgenińiz úshin raqmet. Inestatsiiany bastaý úshin siz ózińizdiń atyńyzdy tirkeýińiz kerek. Munda basyńyz => https://bit.ly/3tK4mOK, sodan keiin nusqaýlardy oryndańyz jáne sizdiń aty-jónińiz avtomatty túrde siz tabysqa jetkennen keiin tirkeledi, bizdiń komanda sizdiń jeńimpaz ekenińizge 100% kóz jetkizedi», - dep jazylǵan habarlamada.
Shyn máninde osy siltemege ótken adamnyń jeke málimetteri alaiaqtardyń qolyna túsedi. Osylaisha bank qosymshalary men parolderi alaiaqtar úshin qoljetimdi bolyp, olar ony óz maqsattaryna qoldanatyn bolady.
