Qazaqstandyq ánshi Dimash Qudaibergen qytaidyń Gýanchjoý qalasynan Frantsiia astanasy Parij qalasyna bardy, dep habarlaidy QazaAqparat tilshisi.
Aita keteiik, Dimash 14 mamyr kúni qytaidyń Gýanchjoý qalasynda Tencent video hostinginiń «Live Music» án keshinde qazaqtyń «Daididaý» jáne qytai tilinde «Memories That Can't Take Away» ánin oryndady.
Án keshine qytaidaǵy eń tanymal ánshiler óner kórsetti. Dimashtyń jankúierleri ánshini erekshe qarsy aldy. Al sol kúngi qytaidaǵy analar merekesine bailanysty Dimash sahnada óz anasyna arnap «Ana» atty ándi oryndady.
Buǵan deiin habarlaǵanymyzdai, 19 mamyr kúni Kann kinofestivali aiasynda Frantsiianyń Ulttyq kinematografiia ortalyǵynyń alańynda Qazaqstan pavilonynyń ashylýyna orai resmi qabyldaý sharasy ótpek. Baǵdarlamada kameralyq ishekti ansambldiń súiemeldeýimen Aiman Musaqojaeva men Dimash Qudaibergen óner kórsetedi.
