Ataqty ánshi Dimash Qudaibergen Instagramdaǵy paraqshasynda «Golos. Deti» konkýrsynyń finalynda óner kórsetken Erjan Maksimdi quttyqtady, dep habarlaidy "Ult aqparat".
Dimash Qudaibergen «baýyrsaq bala» Erjan Maksimniń finaldaǵy ónerin tamashalap shyqqanyn aityp, oǵan aldaǵy ýaqytta sáttilik tiledi.
«Baýyrsaq bala!.. Qazaǵymnyń baǵyna bitken balasyń. Jeńisiń qutty bolsyn, Erjantai. Alar asýlaryń kóp bolsyn. 100 mln-nan astam halyqtyń arasynan 2-oryn alý degen úlken jetistik. Birinshi oryndy qyz balaǵa jigittik tanytyp bere salǵanyń da durys boldy. Naǵyz djentelmen sondai bolady. Barlyq qatysqan búldirshinderdi quttyqtaimyn. Biraq, men úshin Erjantai jeńimpaz!», - dep jazdy Dimash.
Buǵan deiin oraldyq ánshi Erjan Maksimniń reseilik «Golos. Deti» konkýrsynyń finalyna joldama alǵanyn jazǵan bolatynbyz. Alaida, qazaqstandyq ánshi qatysqan konkýrstyń qorytyndysyna bailanysty daý týyndady.
