اتاقتى ەنشٸ ديماش قۇدايبەرگەن ينستاگرامداعى پاراقشاسىندا «گولوس. دەتي» كونكۋرسىنىڭ فينالىندا ٶنەر كٶرسەتكەن ەرجان ماكسيمدٸ قۇتتىقتادى, دەپ حابارلايدى "ۇلت اقپارات".
ديماش قۇدايبەرگەن «باۋىرساق بالا» ەرجان ماكسيمنٸڭ فينالداعى ٶنەرٸن تاماشالاپ شىققانىن ايتىپ, وعان الداعى ۋاقىتتا سەتتٸلٸك تٸلەدٸ.
«باۋىرساق بالا!.. قازاعىمنىڭ باعىنا بٸتكەن بالاسىڭ. جەڭٸسٸڭ قۇتتى بولسىن, ەرجانتاي. الار اسۋلارىڭ كٶپ بولسىن. 100 ملن-نان استام حالىقتىڭ اراسىنان 2-ورىن الۋ دەگەن ٷلكەن جەتٸستٸك. بٸرٸنشٸ ورىندى قىز بالاعا جٸگٸتتٸك تانىتىپ بەرە سالعانىڭ دا دۇرىس بولدى. ناعىز دجەنتەلمەن سونداي بولادى. بارلىق قاتىسقان بٷلدٸرشٸندەردٸ قۇتتىقتايمىن. بٸراق, مەن ٷشٸن ەرجانتاي جەڭٸمپاز!», - دەپ جازدى ديماش.
بۇعان دەيٸن ورالدىق ەنشٸ ەرجان ماكسيمنٸڭ رەسەيلٸك «گولوس. دەتي» كونكۋرسىنىڭ فينالىنا جولداما العانىن جازعان بولاتىنبىز. الايدا, قازاقستاندىق ەنشٸ قاتىسقان كونكۋرستىڭ قورىتىندىسىنا بايلانىستى داۋ تۋىندادى.
