Foto: QazAqparat
Tanymal qazaqstandyq ánshi Dimash Qudaibergen "Bolashaq" stipendiiasy boiynsha qaida oqityny belgili boldy, - dep habarlaidy "Ult aqparat" "Halyqaralyq baǵdarlamalar ortalyǵynyń" baspasóz qyzmetine silteme jasap.
Dimash Los-Andjelestegi New York Film Academy-da "Rejissýra" mamandyǵy boiynsha taǵylymdamadan ótpek.
Aita keteiik, qazaqstandyq rejisser ári klipmeiker Aisultan Seiitov ta sol oqý ornynda bilim alǵan.
Eske salaiyq, 2022 jyldyń úshinshi leginde shákirtaqy 178 qazaqstandyqqa berilgen. Onyń ishinde 78 adam álemniń úzdik joǵary oqý oryndarynyń magistratýrasyna, 6 adam doktorantýrasyna tústi. 110 stipendiat "Taǵylymdama" baǵdarlamasy boiynsha biliktiligin arttyrady.
