Dimash Qudaibergen «Singer» baiqaýynyń 5-kezeńinde «Uptown Funk» ánimen besinshi oryndy ielendi, dep habarlaidy «QazAqparat» HAA-nyń Qytaidaǵy tilshisi.
«1-oryndy Tan Tszin, 2-oryndy - Lin Ilian, 3-oryndy - Chjan Tsze, 4-oryndy - Djastin men Lin Chjisiýan (konkýrstyń jańa qatysýshylary - avt.), 5-oryndy - Dimash, 6-oryndy - «Lion» toby, 7-oryndy Chjao Lei ielendi. Chjao Lei saiys baǵdarlamasynan shyǵyp qaldy», - dep habarlaidy Hunan.TV fan-klýby Weibo áleýmettik jelisinde.
4-oryndy eki konkýrsant birdei ielengendikten, Dimash 5-orynǵa ornalasyp otyr. Degenmen, qytailyq baiqaýdyń áleýmettik jelige salǵan kestesinde qazaqstandyq ánshiniń 6-oryn alǵandyǵy jazylýda, al 5-oryn - bos tur. Biraq bul - jaǵdaidy ózgertpeidi, Dimash «Singer»-diń kelesi kezeńine ótedi.
Buǵan deiin, jarystyń 4-kezeńinde Dý Lish (Tereza) shyǵyp qalǵan edi.
Eske sala keteiik, Astana ýaqytymen 11 aqpan kúni saǵat 20.30-da Hunan.TV telearnasynan «Singer» baiqaýynyń 4-kezeńi kórsetiledi. Bul kezeńde Dimash Qudaibergen qytai tilindegi «Kúzgi muń» ánin aktsentsiz oryndap, úshinshi oryn ielengen bolatyn. Konkýrstyń 5-kezeńi Hýnan telearnasynan 18 aqpan kúni kórsetiledi.
