ديماش قۇدايبەرگەن «Singer» بايقاۋىنىڭ 5-كەزەڭٸندە «Uptown Funk» ەنٸمەن بەسٸنشٸ ورىندى يەلەندٸ, دەپ حابارلايدى «قازاقپارات» حاا-نىڭ قىتايداعى تٸلشٸسٸ.
«1-ورىندى تان تسزين, 2-ورىندى - لين يليان, 3-ورىندى - چجان تسزە, 4-ورىندى - دجاستين مەن لين چجيسيۋان (كونكۋرستىڭ جاڭا قاتىسۋشىلارى - اۆت.), 5-ورىندى - ديماش, 6-ورىندى - «Lion» توبى, 7-ورىندى چجاو لەي يەلەندٸ. چجاو لەي سايىس باعدارلاماسىنان شىعىپ قالدى», - دەپ حابارلايدى Hunan.TV فان-كلۋبى Weibo ەلەۋمەتتٸك جەلٸسٸندە.
4-ورىندى ەكٸ كونكۋرسانت بٸردەي يەلەنگەندٸكتەن, ديماش 5-ورىنعا ورنالاسىپ وتىر. دەگەنمەن, قىتايلىق بايقاۋدىڭ ەلەۋمەتتٸك جەلٸگە سالعان كەستەسٸندە قازاقستاندىق ەنشٸنٸڭ 6-ورىن العاندىعى جازىلۋدا, ال 5-ورىن - بوس تۇر. بٸراق بۇل - جاعدايدى ٶزگەرتپەيدٸ, ديماش «Singer»-دٸڭ كەلەسٸ كەزەڭٸنە ٶتەدٸ.
بۇعان دەيٸن, جارىستىڭ 4-كەزەڭٸندە دۋ ليش (تەرەزا) شىعىپ قالعان ەدٸ.
ەسكە سالا كەتەيٸك, استانا ۋاقىتىمەن 11 اقپان كٷنٸ ساعات 20.30-دا Hunan.TV تەلەارناسىنان «Singer» بايقاۋىنىڭ 4-كەزەڭٸ كٶرسەتٸلەدٸ. بۇل كەزەڭدە ديماش قۇدايبەرگەن قىتاي تٸلٸندەگٸ «كٷزگٸ مۇڭ» ەنٸن اكتسەنتسٸز ورىنداپ, ٷشٸنشٸ ورىن يەلەنگەن بولاتىن. كونكۋرستىڭ 5-كەزەڭٸ حۋنان تەلەارناسىنان 18 اقپان كٷنٸ كٶرسەتٸلەدٸ.
