Tanymal ánshi Dimash Qudaibergenniń anasy Svetlana Aitbaeva kenje uly Mansurdyń Kúlásh Baiseiitova atyndaǵy Qazaq ulttyq óner ýniversitetiniń kolledjin bitirgenin súiinshiledi, dep habarlaidy ult.kz.
Óner iesi bul otbasylyq jaǵymdy jańalyqty óziniń Instagram paraqshasynda bólisti. Svetlana Aitbaevanyń aitýynsha, ulynyń bul mańyzdy belesine búkil áýleti erekshe qýanyp otyr.
«Mansurtaiym Kúlásh Baiseiitova atyndaǵy Qazaq ulttyq óner ýniversitetiniń kolledjin aiaqtap, bárimiz qýanyp jatyrmyz. Qutty bolsyn, botaqanym! Óz isińniń sheberi bol», – dep jazdy ol ulyna aq tilegin arnap.
Sonymen qatar balasynyń shyǵarmashylyq ósý jolyna toqtalǵan anasy Mansurdyń osy ýaqytqa deiin aǵasy Dimashtyń qasynda júrip, álemdik úlken sahnalarda óner kórsetip úlgergenin atap ótti. Jas mýzykant túrli halyqaralyq sheberlik sabaqtaryna qatysyp, kásibi deńgeidegi mamandarmen birlese jumys istegen. Qazirgi tańda ol birneshe mýzykalyq aspapty erkin meńgerip, óziniń alǵashqy týyndylaryn da jaza bastaǵan.
Sveta Aitbaeva kenjesine óner jolynda baǵyt-baǵdar berip, sapaly bilim nárin sýsyndatqan ustazdar qaýymyna erekshe rizashylyq tanytty. Ol ulyna gitara tartýdyń qyr-syryn úiretken Álibi Iýsýfuly men Pavel Aleksandrovichke, sondai-aq kolledj qabyrǵasynda jetekshilik etken kýratory Raýshan Rahembaiqyzyna alǵys aitty.
