تانىمال ەنشٸ ديماش قۇدايبەرگەننٸڭ اناسى سۆەتلانا ايتباەۆا كەنجە ۇلى مانسۇردىڭ كٷلەش بايسەيٸتوۆا اتىنداعى قازاق ۇلتتىق ٶنەر ۋنيۆەرسيتەتٸنٸڭ كوللەدجٸن بٸتٸرگەنٸن سٷيٸنشٸلەدٸ, دەپ حابارلايدى ult.kz.
ٶنەر يەسٸ بۇل وتباسىلىق جاعىمدى جاڭالىقتى ٶزٸنٸڭ Instagram پاراقشاسىندا بٶلٸستٸ. سۆەتلانا ايتباەۆانىڭ ايتۋىنشا, ۇلىنىڭ بۇل ماڭىزدى بەلەسٸنە بٷكٸل ەۋلەتٸ ەرەكشە قۋانىپ وتىر.
«مانسۇرتايىم كٷلەش بايسەيٸتوۆا اتىنداعى قازاق ۇلتتىق ٶنەر ۋنيۆەرسيتەتٸنٸڭ كوللەدجٸن اياقتاپ, بەرٸمٸز قۋانىپ جاتىرمىز. قۇتتى بولسىن, بوتاقانىم! ٶز ٸسٸڭنٸڭ شەبەرٸ بول», – دەپ جازدى ول ۇلىنا اق تٸلەگٸن ارناپ.
سونىمەن قاتار بالاسىنىڭ شىعارماشىلىق ٶسۋ جولىنا توقتالعان اناسى مانسۇردىڭ وسى ۋاقىتقا دەيٸن اعاسى ديماشتىڭ قاسىندا جٷرٸپ, ەلەمدٸك ٷلكەن ساحنالاردا ٶنەر كٶرسەتٸپ ٷلگەرگەنٸن اتاپ ٶتتٸ. جاس مۋزىكانت تٷرلٸ حالىقارالىق شەبەرلٸك ساباقتارىنا قاتىسىپ, كەسٸبي دەڭگەيدەگٸ ماماندارمەن بٸرلەسە جۇمىس ٸستەگەن. قازٸرگٸ تاڭدا ول بٸرنەشە مۋزىكالىق اسپاپتى ەركٸن مەڭگەرٸپ, ٶزٸنٸڭ العاشقى تۋىندىلارىن دا جازا باستاعان.
سۆەتا ايتباەۆا كەنجەسٸنە ٶنەر جولىندا باعىت-باعدار بەرٸپ, ساپالى بٸلٸم نەرٸن سۋسىنداتقان ۇستازدار قاۋىمىنا ەرەكشە ريزاشىلىق تانىتتى. ول ۇلىنا گيتارا تارتۋدىڭ قىر-سىرىن ٷيرەتكەن ەلٸبي يۋسۋفۇلى مەن پاۆەل الەكساندروۆيچكە, سونداي-اق كوللەدج قابىرعاسىندا جەتەكشٸلٸك ەتكەن كۋراتورى راۋشان راحەمبايقىزىنا العىس ايتتى.
