"Dikii Arman" degen laqap atpen tanymal Arman Jumageldievtiń qylmystyq tobynyń músheleri 24 beibit turǵyndy urlap, kúshtep ustaǵan. Bul týraly Arnaiy prokýrorlar qyzmetiniń basshysy Rizabek Ojarov málimdedi, - dep habarlaidy Tengrinews.kz.
Arnaiy prokýrorlar qyzmeti basshysynyń aitýynsha, búginde uiymdasqan qylmystyq toptyń 18 múshesi ustaldy, 21 adamnyń adam óltirý, urlyq, tonaý boiynsha sottylyǵy bar.
"Olardyń arasynda "Dikii Arman" degen laqap atpen tanymal Arman Jumageldiev pen onyń tobynyń músheleri bar. Men bul aiyptalýshyǵa jeke toqtalamyn.
Onyń qarýly adamdary kezdeisoq ótip bara jatqan adamdardyń arasynan 24 beibit turǵyndy urlap, kúshtep ustady. Olardy aldymen bir jerden ekinshi jerge aparyp, uryp-soǵyp, nátijesinde bir adam qaza tapty. Sonymen qatar, qaraqshylar buǵan deiin 12-shi qalalyq aýrýhanada qatty soqqyǵa jyǵylǵan politseidiń qyzmettik qarýyn alyp ketken", - dedi Rizabek Ojarov Ortalyq kommýnikatsiialar qyzmetinde ótken baspasóz máslihatynda.
