Ishki ister ministrliginiń videosynan kadr / Tengrinews.kz
"Dikii Arman" laqap atymen tanymal Arman Jumageldievtiń qamaýǵa alý merzimi 7 sáýirge deiin uzartyldy. Bul týraly Bas prokýratýra málimdedi, - dep habarlaidy Tengrinews.kz.
"Jumageldiev Almatydaǵy UQK ýaqytsha ustaý izoliatorynda qamaýda. Onyń qamaýǵa alý merzimi 7 sáýirge deiin uzartyldy", - dedi Bas prokýratýra Tengrinews.kz saitynyń resmi saýalyna bergen jaýabynda.
Bas prokýratýra málimetinshe, Jumageldiev kelesi baptar boiynsha kúdikti retinde qamaýǵa alynǵan:
- 287 Qylmystyq kodekstiń 4-bóligi "Atatyn qarýdy, oq-dárilerdi, jarylǵysh zattardy nemese jarylǵysh qurylǵylardy adamdar tobynyń aldyn ala sóz bailasý boiynsha nemese birneshe ret zańsyz alý, berý, ótkizý, saqtaý, tasymaldaý nemese alyp júrý";
- Qylmystyq kodekstiń 272-baby "Jappai tártipsizdikterge qatysý", kúsh qoldanýmen, qiratýmen, órteýmen, buzýmen, múlikti joiýmen, atys qarýyn, jarylǵysh zattardy nemese jarylys qurylǵylaryn qoldanýmen, sondai-aq bilik ókiline qarýly qarsylyq kórsetýmen ulasqan, onyń ishinde sheteldik kózderden alynǵan qarajatty paidalana otyryp jappai tártipsizdikti uiymdastyrý;
- 126 QK-niń 3-bóliginiń 3-tarmaǵy ómirge nemese densaýlyqqa qaýipti kúsh qoldanyp "Adamdy bas bostandyǵynan zańsyz aiyrý".
