Kollaj: qazweek.kz
Qylmys áleminiń bedeldisi Arman Jumageldievke qatysty qylmystyq isti jariia etýge bolmaidy. Bul týraly QR Bas prokýratýrasynan málim etti, dep habarlaidy QazAqparat agenttigi.
«Arnaýly prokýrorlar A.Jumageldievke qatysty tergeýdi aiaqtady. Ol tanysý satysynda. Degenmen qylmystyq iske qatysty sotqa deiingi tergeý málimetteri jariia etýge jatpaidy. Sondyqtan qazirgi ýaqytta atalǵan sotqa deiingi óndiriske qatysty tolyqqandy aqparat berý múmkin emes», - delingen Bas prokýratýra jaýabynda.
Eske salaiyq, 7 qańtarda Almatyda politseiler «Dikii Arman» laqap atymen tanymal qylmys áleminiń serkesi Arman Jumageldievti ustaǵan bolatyn.
Keiin QR Bas prokýratýrasy «Dikii Armannyń» Ulttyq qaýipsizdik qyzmetiniń tergeý izoliatorynda otyrǵanyn jetkizdi.
Al 6 qańtarda Almaty qalasynyń mamandandyrylǵan aýdanaralyq tergeý soty ony qamaýda ustaý merzimin 2023 jyldyń 7 qańtaryna deiin uzartty.
