كوللاج: qazweek.kz
قىلمىس ەلەمٸنٸڭ بەدەلدٸسٸ ارمان جۇماگەلديەۆكە قاتىستى قىلمىستىق ٸستٸ جارييا ەتۋگە بولمايدى. بۇل تۋرالى قر باس پروكۋراتۋراسىنان مەلٸم ەتتٸ, دەپ حابارلايدى قازاقپارات اگەنتتٸگٸ.
«ارناۋلى پروكۋرورلار ا.جۇماگەلديەۆكە قاتىستى تەرگەۋدٸ اياقتادى. ول تانىسۋ ساتىسىندا. دەگەنمەن قىلمىستىق ٸسكە قاتىستى سوتقا دەيٸنگٸ تەرگەۋ مەلٸمەتتەرٸ جارييا ەتۋگە جاتپايدى. سوندىقتان قازٸرگٸ ۋاقىتتا اتالعان سوتقا دەيٸنگٸ ٶندٸرٸسكە قاتىستى تولىققاندى اقپارات بەرۋ مٷمكٸن ەمەس», - دەلٸنگەن باس پروكۋراتۋرا جاۋابىندا.
ەسكە سالايىق, 7 قاڭتاردا الماتىدا پوليتسەيلەر «ديكيي ارمان» لاقاپ اتىمەن تانىمال قىلمىس ەلەمٸنٸڭ سەركەسٸ ارمان جۇماگەلديەۆتٸ ۇستاعان بولاتىن.
كەيٸن قر باس پروكۋراتۋراسى «ديكيي ارماننىڭ» ۇلتتىق قاۋٸپسٸزدٸك قىزمەتٸنٸڭ تەرگەۋ يزولياتورىندا وتىرعانىن جەتكٸزدٸ.
ال 6 قاڭتاردا الماتى قالاسىنىڭ مامانداندىرىلعان اۋدانارالىق تەرگەۋ سوتى ونى قاماۋدا ۇستاۋ مەرزٸمٸن 2023 جىلدىڭ 7 قاڭتارىنا دەيٸن ۇزارتتى.
