«Dikii Arman» Ulttyq qaýipsizdik qyzmetiniń tergeý izoliatorynda otyr. Bul týraly QR Bas prokýratýrasy Arnaiy prokýrorlar qyzmetiniń bastyǵy Rizabek Ojarov aitty, dep habarlaidy QazAqparat.
«Áleýmettik jeliler men messendjerlerde «Jumageldiev bosatyldy» nemese «ony belgisiz baǵytta alyp ketti» degen túrli boljamdar men jalǵan aqparattar taratylýda. Eger basynda bul azamatty politsiia atys qarýyn zańsyz saqtaǵany úshin ustasa, qazir oǵan qatysty jappai tártipsizdikter boiynsha is tergelip jatqanyn resmi túrde habarlaimyn. Qazirgi kezde arnaiy prokýrorlar eki qylmystyq isti biriktirip, óz tergeýine aldy. Al Jumageldiev UQK tergeý izoliatoryna aýystyryldy», - dedi Rizabek Ojarov Ortalyq kommýnikatsiialar qyzmetindegi brifing barysynda.
