Foto: Tengrinews.kz
Bas prokýratýra "Dikii Arman" atymen tanymal Arman Jumageldiev qansha ret jáne ne úshin sottalǵanyn aitty, - dep habarlaidy Tengrinews.kz tilshisi.
"Alǵash ret Jumageldievti 2005 jyldyń 1 tamyzynda Shymkent qalasy Ál-Farabi aýdandyq soty myna baptar boiynsha jaýapqa tartqan.
QK-niń 251-baby 2-bólimi (1997 jylǵy redaktsiiasy) aldyn ala sóz bailasý arqyly nemese birneshe ret adamdar toby jasaǵan "Qarýdy, oq-dárilerdi, jarylǵysh zattar men jarylǵysh qurylǵylardy zańsyz iemdený, berý, ótkizý, saqtaý, tasymaldaý nemese alyp júrý";
QK-niń 251-baby 4-bóligi (1997 jylǵy redaktsiiasy) "Qanjarlardy, findik pyshaqtardy nemese basqa da sýyq qarýdy zańsyz alyp júrý nemese ótkizý";
QK-niń 257-baby 2-bóligi, "a" tarmaǵy (1997 jylǵy redaktsiiasy) aldyn ala sóz bailasý arqyly adamdar toby nemese uiymdasqan top jasaǵan "Buzaqylyq";
QK-niń 104-baby 2-bóligi, "d" tarmaǵy (1997 jylǵy redaktsiiasy) "Densaýlyqqa qasaqana aýyrlyǵy ortasha ziian keltirý";
QR QK-nyń 58-baby 1-bóligi (1997 jylǵy redaktsiiasy) "Qylmystardyń jiyntyǵy boiynsha jaza taǵaiyndaý".
Oǵan Qylmystyq kodekstiń 63-babyn qoldanyp, bir jyl synaq merzimimen úsh jylǵa shartty túrde bas bostandyǵynan aiyrý jazasy taǵaiyndaldy", - dedi Bas prokýratýra Tengrinews.kz saitynyń resmi saýalyna bergen jaýabynda.
Ekinshi ret Arman Jumageldiev naqty merzimge qamalǵan. 2009 jylǵy 18 aqpanda Almaty qalasy Áýezov aýdandyq sotynyń úkimi boiynsha Jumageldiev QK-niń 259-baby, 1-1-bóligi asa iri mólsherde "Esirtki quraldaryn nemese psihotroptyq zattardy zańsyz daiyndaý, qaita óńdeý, satyp alý, saqtaý, tasymaldaý, jóneltý ne ótkizý" boiynsha, 251-baptyń 1-bóligi boiynsha úsh jylǵa bas bostandyǵynan aiyrylǵan.
"Jazasyn óteý kezeńinde ol mekeme ákimshiliginiń zańdy talaptaryna toptasyp baǵynbaýdy uiymdastyrdy jáne oǵan belsendi qatysty. Osyǵan bailanysty Aqmola oblysynyń qylmystyq ister jónindegi mamandandyrylǵan aýdanaralyq sotynyń 2011 jylǵy 30 qarashadaǵy úkimi boiynsha QK-nyń 360-baby, 3-bóligi (1997 jylǵy redaktsiiasynda) "Mekeme ákimshiliginiń zańdy talaptaryna toptasyp baǵynbaýdy uiymdastyrý" boiynsha qylmys jasaǵany úshin kináli dep tanylyp, bes jylǵa bas bostandyǵynan aiyryldy", - dedi Bas prokýratýra ókilderi.
