Foto: Prezidenttiń baspasóz qyzmeti
2025 jyly 13 million gektar jerge bidai egildi, bul 2024 jylmen salystyrǵanda 187 myń gektarǵa az, dep habarlaidy Úkimet baspasóz qyzmeti.
Taratylǵan málimetke súiensek, áleýmettik mańyzy bar daqyldar kólemi artyp keledi: kartop alqaby 83,4 myń gektarǵa jetip, ótken maýsymmen salystyrǵanda 11,3 myń gektarǵa kóbeidi.
Egis alqaptaryn neǵurlym tiimdi ári turaqty daqyldarǵa qaita bólýge erekshe nazar aýdaryldy.
Nátijesinde suranysqa ie daqyldardyń kólemi artty:
maily daqyldar – 3,4 mln gektar (byltyrǵydan 0,5 mln gektarǵa artyq),
mal azyǵy daqyldary – 3,3 mln gektar (+114 myń gektar),
dándik júgeri – 167,5 myń gektar,
kókónis-baqsha daqyldary – 222,3 myń gektar.
2025 jylǵy egis naýqanyna respýblika boiynsha 2,3 mln tonna tuqym daiyndaldy.
"Al resýrsty kóp qajet etetin ári baǵa ózgerisine beiim daqyldardyń – bidai, kúrish, maqta alqabynyń kólemi qysqaryp jatyr. Mysaly, bidai alqaby 13 mln gektardy qurady, bul ótken jylǵydan 187 myń gektarǵa kem", - dep jazylǵan habarlamada.
