Almatyda 6 eldiń úkimet basshylaryna eGov mobile qosymshasy kórsetildi, dep habarlaidy "Ult aqparat".
Tsifrlyq transformatsiia strategiiasy men IT-tendentsiialar talqylanatyn «Digital Almaty 2021: «Tsifrlyq qaita jańǵyrý: jańa jaǵdaiǵa» halyqaralyq forýmynda «Ulttyq aqparattyq tehnologiialar» AQ QR Premer-Ministri Asqar Mamin jáne Resei, Armeniia, Belarýs, Qyrǵyzstan jáne Ózbekstan siiaqty elderdiń úkimet basshylary, sondai-aq forýmnyń basqa qatysýshylary men qonaqtaryna eGov mobile mobildik qosymshasynyń jańa múmkindikterin kórsetti.
«Ulttyq aqparattyq tehnologiialar» AQ Basqarma Tóraǵasynyń m.a. Dias Qadyrov óziniń mysalynda biometriialyq sáikestendirýdi qoldana otyryp, eGov mobile-da jańa jáne zamanaýi tirkeý protsesin kórsetti. Sondai-aq, ol onlain-qyzmetterdi alý jáne tsifrlyq qujattardy paidalaný joldaryn kórsetti.
«Eger buryn elektrondy memlekettik qyzmetterdi alý úshin qazaqstandyqtar halyqqa qyzmet kórsetý ortalyǵyna kelip, kezekke turyp, flesh-diskke ETsQ alýy kerek bolsa, endi barlyq tirkeý protsesi eki-aq minýtty alady jáne tek smartfondy qajet etedi. Qosymshaǵa tirkelý arqyly qazaqstandyqtar elektrondyq úkimettiń eń tanymal 90-ǵa jýyq qyzmetteri men servisterine qol jetkize alady», - dedi Dias Qadyrov.
«Digital Almaty 2021» forýmynyń tsifrlyq jobalar kórmesinde eGovMobile-dan basqa Almaty ákimdiginiń, Qazaqtelekomnyń jáne Kaspi.kz jobalary usynylǵan.
Forýmǵa qatysýshylar densaýlyq saqtaý men bilim berýdi tsifrlyq transformatsiialaý, AT ekojúiesi jáne venchýrlyq kapital, aqparattyq qaýipsizdik, GovTech jáne sýper qyzmetter, Indýstriia 4.0 jáne basqa da taqyryptar boiynsha paneldik sessiialarǵa qatysa alady. Forým gibridti formatta - offlain rejiminde jáne myna silteme boiynsha onlain ótedi.
