Didar Smaǵulov Ulttyq testileý ortalyǵy baqylaý keńesiniń tóraǵasy bolyp taǵaiyndaldy, dep habarlaidy "Ult aqparat".
Bul týraly Bilim jáne ǵylym ministri Ashat Aimaǵambetov Facebook paraqshasynda jazdy.
«Didar Smaǵulovqa eki jyl boiy Ulttyq testileý ortalyǵynyń basshysy bolyp qyzmet atqarǵany úshin alǵysymdy bildiremin. Bul taǵaiyndaý meniń alǵashqy kadrlyq sheshimim boldy. Didar Nurkenuly aldyna qoiylǵan mindetterdi nátijeli ári tiimdi oryndady. Endigi kezekte Didar Smaǵulov shtattan tys keńesshim jáne UTO baqylaý keńesiniń tóraǵasy bolyp jumys isteitin bolady», - dep jazdy vedomstvo basshysy.
Eske salsaq, mamyr aiynyń sońynda Didar Smaǵulov Ulttyq testileý ortalyǵynyń direktory qyzmetinen ketkenin málimdegen edi.
«Men ózimniń barlyq bilimim men qabiletimdi halyqqa adal qyzmet etýge jáne sizdi uiatqa qaldyrmaý úshin ortalyqtyń igiligine baǵyttaýǵa tyrystym. Bilim berý salasyndaǵy usynylǵan basqa da jaýapty basshylyq laýazymdarǵa erekshe rizamyn. Biraq, men qyzmet salasyn sál ózgertý kerek dep sheshtim», - dep jazǵan bolatyn Didar Smaǵulov.
