Foto: Instagram/diana.tashii
"Qazaqstan arýy" ulttyq sulýlyq baiqaýynyń uiymdastyrý komiteti "Álem arýy Qazaqstan-2022" ataǵynyń jeńimpazy Diana Táshimbetovanyń málimdemesine qatysty túsinik berdi. Ulttyq sulýlyq baiqaýynyń uiymdastyrý komiteti málimetinshe, Táshimbetova "Álem arýy-2022" ataǵynan aiyryldy, - dep habarlaidy Massaget.kz portaly.
Oǵan sebep Táshimbetovanyń baiqaýdy jáne onyń qatysýshylaryn qaralaýdy kózdep, jalaǵa toly post pen tikelei efirdiń jariialanýyna bailanysty bolǵan.
"Diananyń sózderi tek uiymdastyrý komitetiniń músheleri men onyń seriktesterin emes, sonymen qatar, baiqaýdyń basqa qatysýshylaryn da negizsiz qaralaýdy kózdeidi. Biz bul basqalarǵa degen úlken qurmetsizdik jáne basqalardyń eńbeginiń qunsyzdanýy dep sanaimyz. Qarapaiym qyzdardyń tanymal bolýyn qamtamasyz etý úshin jumys jasai otyryp, uiymdastyrý komiteti úlken is atqaryp qana qoimaidy, sonymen qatar, basqa músheler men seriktester aldynda tolyq jaýapkershilikti óz moinyna alady", - delingen habarlamada.
Ulttyq sulýlyq baiqaýynyń uiymdastyrý komitetiniń málimetinshe, finaldyq shoýǵa, piar-kompaniiaǵa, Diana Táshimbetovany baiqaýǵa qatysýǵa daiyndaýǵa jáne onyń imidjin damytýǵa orasan zor qarajat pen kúsh jumsalǵan, al onyń kórsetken qurmetsizdigi mundai adamnyń elimizdiń "arýy" ataǵyna laiyq emes ekenin kórsetedi.
"Baiqaýdy uiymdastyrý komiteti qoldaýlaryńyzǵa alǵys bildiredi jáne baiqaýǵa qatysýshylardy bir-birin qurmetteýge, óz sózderine jaýapkershilikpen qaraýǵa jáne kompaniia direktsiiasyna túsinistikpen qaraýǵa shaqyrady", - delingen habarlamada.
Eske salaiyq, "Qazaqstan Arýy - 2022" baiqaýynyń finalisi Diana Táshimbetova baiqaý uiymdastyrýshylary onyń "Álem arýy" baiqaýyna qatysýyn qarjylandyrýdan bas tartty dep málimdegen bolatyn. Ol bul baiqaýǵa 2023 jyldyń qańtarynda barýy kerek bolǵan.
