Japoniia úkimeti Iokogamada karantinde turǵan kriýz kemesindegi sozylmaly aýrýy bar qart adamdardyń saraptama nátijeleri teris bolsa - jaǵaǵa josparlanǵannan erte shyǵýyna ruqsat beredi, dep habarlaidy "Ult aqparat" Kyodo agenttigine silteme jasap.
Sonymen qatar, kemedegi taǵy 44 adamnan indet anyqtaldy. Japoniiada koronavirýspen tirkelgen 247 adamnyń 218-i krýiz kemesiniń jolaýshylary men ekipaj músheleri.
Japoniia Densaýlyq saqtaý ministri Kato Katsýnobýdyń aitýynsha, Diamond Princess lainerindegi 80 jastaǵy jáne odan da úlken 200-ge jýyq jolaýshy juma kúni densaýlyǵy men qalaýyna bailanysty kemeden shyǵa alady. Al densaýlyǵynda kinárat bar adamdar tolyq tekseristen ótken.
Kemeden ketýge ruqsat etilgen turǵyndar ortany oqshaýlandyrý aiaqtalǵanǵa deiin úkimet daiyndaǵan jerge qonystanady.
Aita keteiik, osyǵan deiin Qazaqstannyń Densaýlyq saqtaý ministrliginiń resmi ókili Dias Ahmetshárip Diamond Princess lainerinde Qazaqstannyń 4 azamaty bar ekenin aitty.
