جاپونييا ٷكٸمەتٸ يوكوگامادا كارانتيندە تۇرعان كريۋز كەمەسٸندەگٸ سوزىلمالى اۋرۋى بار قارت ادامداردىڭ ساراپتاما نەتيجەلەرٸ تەرٸس بولسا - جاعاعا جوسپارلانعاننان ەرتە شىعۋىنا رۇقسات بەرەدٸ, دەپ حابارلايدى "ۇلت اقپارات" Kyodo اگەنتتٸگٸنە سٸلتەمە جاساپ.
سونىمەن قاتار, كەمەدەگٸ تاعى 44 ادامنان ٸندەت انىقتالدى. جاپونييادا كوروناۆيرۋسپەن تٸركەلگەن 247 ادامنىڭ 218-ٸ كرۋيز كەمەسٸنٸڭ جولاۋشىلارى مەن ەكيپاج مٷشەلەرٸ.
جاپونييا دەنساۋلىق ساقتاۋ مينيسترٸ كاتو كاتسۋنوبۋدىڭ ايتۋىنشا, Diamond Princess لاينەرٸندەگٸ 80 جاستاعى جەنە ودان دا ٷلكەن 200-گە جۋىق جولاۋشى جۇما كٷنٸ دەنساۋلىعى مەن قالاۋىنا بايلانىستى كەمەدەن شىعا الادى. ال دەنساۋلىعىندا كٸنەرات بار ادامدار تولىق تەكسەرٸستەن ٶتكەن.
كەمەدەن كەتۋگە رۇقسات ەتٸلگەن تۇرعىندار ورتانى وقشاۋلاندىرۋ اياقتالعانعا دەيٸن ٷكٸمەت دايىنداعان جەرگە قونىستانادى.
ايتا كەتەيٸك, وسىعان دەيٸن قازاقستاننىڭ دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ Diamond Princess لاينەرٸندە قازاقستاننىڭ 4 ازاماتى بار ەكەنٸن ايتتى.
