Almaty qalasynyń bas sanitariia dárigeri Jandarbek Bekshin dezinfektsiia quraldarynyń pnevmoniia aýrýyn qozdyrmaitynyn aitty, dep habarlaidy "Ult aqparat".
J. Bekshinniń aitýynsha, adamdar ózin-ózi emdemek bolyp aýrýyn asqyndyryp alady. Kez-kelgen aýrýdy bilikti maman emdegeni durys.
Qalalyq Taýarlar men qyzmetterdiń sapasy men qaýipsizdigin baqylaý departamentiniń aqparatyna sáikes, simptomsyz júrgen naýqastar qaýip týdyryp otyr.
Kei jaǵdaida tynys alý joldarynyń shyryshty qabyǵyndaǵy koronavirýs simptom týdyrmasa da, ókpege túse kele qabyný týdyrýy múmkin.
«Infektsiia joǵarǵy tynys joldarynan jylji kele ókpege túsedi. Joǵarǵy tynys joldary taza bolady da, PTR taldaýy eshteńe kórsetpeidi. Al infektsiia tómengi tynys joldaryna túsip ketýi múmkin», - dedi J.Bekshin.
Onyń aitýynsha, búginde qalanyń statsionarlyq ortalyqtarynda 700 naýqas jatyr.
«Olar kezinde simptomsyz júrip, keiin pnevmoniiasy asqynǵan naýqastar», - dedi ol.
Jandarbek Bekshin dezinfektsiia quraldarynyń barlyǵy Qazaqstanda tirkelgen, EAEO aýmaǵynda qoldanystaǵy, sertifikattalǵan quraldar bolyp tabylatynyn aitty.
«Negizinen Gliýkozamin men Akma-Hlor 0,003% jáne 0,05% dozasynda qoldanylady. Bul - adam aǵzasy úshin qaýipsiz kontsentratsiia», - dedi Bekshin.
