Byltyr áleýmettik jáne basqa da mindettemeler tolyq kólemde oryndaldy. Bul týraly Parlament palatalarynyń birlesken otyrysynda 2021 jylǵy respýblikalyq biýdjettiń atqarylýy týraly esepti qaraý kezinde Premer-Ministrdiń orynbasary – Qarjy ministri Erulan Jamaýbaev málim etti, dep habarlaidy QazAqparat.
«Úkimettiń esebi Parlament Májilisi men Senatynda egjei-tegjeili talqylandy. Ony qaraý kezinde ekonomikanyń barlyq baǵyttary boiynsha júzdegen suraqtar men usynystar berildi. Olar jumys toptary men komitetterde de talqylandy. Depýtattardyń usynymdary Úkimet jumysynda eskeriletin bolady.
2021 jyly Jalpy ishki ónimniń ósimi 4 paiyzdy qurady. Ekonomikanyń barlyq negizgi salalarynda oń nátije boldy. Máselen, ónerkásiptik óndiris kólemi 3,8 paiyzǵa, qurylys salasy 7,6 paiyzǵa, kólik 3,6 paiyzǵa, saýda 9,2 payzǵa ósti. Negizgi kapitalǵa salynǵan investitsiialar kólemi 3,5 paiyzǵa ulǵaidy», - dedi Jamaýbaev.
Sonymen qatar ol byltyr infliatsiia 8,4 paiyzdy quraǵanyn eske saldy. Jumyssyzdyq 4,9% deńgeiinde saqtaldy.
