Parlament Májilisiniń jalpy otyrysynda shetel mamandary men sportshylardy shaqyrtý tájiribesinen bas tartý usynysy jasaldy. Osy oraida Úkimet basshysy Asqar Maminniń atyna depýtattyq saýal joldandy, jep habarlaidy "Ult aqparat".
«Barlyq jas toptary arasynda buqaralyq sportty damytý mańyzdy. Balalarǵa arnalǵan sport infraqurylymynyń barynsha qoljetimdiligin qamtamasyz etý qajet. Bul baǵytqa zańnamalyq qoldaý, sonymen qatar buqaralyq sportty damytýdyń keshendi josparyn qabyldaý qajet», - dep toqtaldy depýtat Sáken Qanybekov.
Osy oraida ol qomaqty qarjy jumsalatyn fýtbol salasyna toqtaldy. Mádeniet jáne sport ministrligi Sport jáne dene shynyqtyrý isteri komitetiniń derekteri boiynsha, 2016 jylda – 3,5 mlrd teńge, 2017 jylda – 4,6 mlrd teńge, 2018 jyly – 8,9 mlrd teńge baǵyttaldy.
«Biraq bizdiń aqparat boiynsha tek «Astana» fýtbol klýbynyń bir jyldyq biýdjeti 12 mlrd teńgeni quraidy. Bul turǵyda komitet aqparaty shyndyqqa sáikes emes. Qarjylandyrý kóleminiń qomaqty bolýyna qaramastan, qazaqstandyq fýtbolǵa álemdik arenada ázirshe oryn joq. Basqa sport túrleriniń qarjylandyrylýy áldeqaida qarapaiym bolsa da, biraq Olimpiada oiyndarynda, álemdik chempionattarda, Aziia oiyndarynda jáne basqa da mańyzdy jarystarda eń jaqsy nátijelerdi kórsetip, birneshe ret elimiz Týyn kóterdi», - dedi depýtat.
Onyń paiymynsha, jyl saiyn sport jáne dene shynyqtyrý salasyndaǵy ýákiletti organ legionerlerdi qysqartý boiynsha saiasatty júrgizedi. Degenmen, olardyń sany qysqartylmaidy.
«Álemde koronavirýs pandemiiasyna bailanysty tótenshe jaǵdai kezinde barlyq sport túrlerinde biýdjettik shyǵyndardy qaita qaraýdyń ýaqyty keldi. Buqaralyq aqparat quraldaryndaǵy sońǵy jariialanymdarǵa súiene otyryp, kóptegen Eýropa elderi, sondai-aq Resei sheteldik mamandar men legionerlerden bas tartýdy qoldady. Osy sheshimderdiń qabyldanýy jas sportshylardyń ishki áleýetin damytýǵa múmkindik beredi», - dedi S. Qanybekov.
Osy oraida ol bineshe usynysty jariia etti. Bul turǵyda shetel mamandary men sportshylardy tartý tájiribesinen bas tartý, barlyq sport túrlerine jumsalatyn shyǵyndardy aimaqtar boiynsha taldaý qajettigin, ár sport túrine biýdjettiń biryńǵai normalaryn ornatý máselesi kóterildi.
