Astanada memleket basshylaryn, sarapshylar jáne halyqaralyq uiymdardyń jetekshilerin bir alańda biriktiretin alǵashqy Óńirlik ekologiialyq sammit ótip jatyr, dep habarlaidy Ult.kz.
Is-shara maqsaty - qorshaǵan ortaǵa qatysty máselelerdi sheshýdiń birlesken praktikalyq sheshimderin shyǵarý úshin ashyq halyqaralyq platforma qurý.
Májilis depýtaty Erlan Sairov ekologiialyq máseleler álemdegi eń ózekti problemanyń biri bolyp otyrǵandyqtan osyndai sammitterdiń mańyzy zor ekenin aityp otyr. Ásirese jahandyq jylyný taqyryby men Qazaqstan úshin sý tapshylyǵy máselesi ózekti.
«Qazaqstannyń ishindegi sý tapshylyǵy máselesi kórshi memlekettermen qarym qatynasqa tyǵyz bailanysty. Sondyqtan osy sammit bizge kórshi eldermen birge dúniejúzinde ortaq kún tártibin jasaý úshin qajet. Ekinshiden, kórshi eldermen sý jáne basqa da máselelerde qarym qatynasty túzep alý úshin óte mańyzdy is shara», - dedi ol.
Depýtat Anas Baqqojaev búgingi kúni qorshaǵan ortany qorǵaý salasynda birqatar ózekti máseleler bar ekenin aityp ótip, alaida keibir elder ekologiialyq talapty oryndaýda aqsap jatqanyn aitty. Sondyqtan da osyndai sammitterde talaptar eskeriledi.
«Qazaqstan qoiylǵan ekologiialyq talaptardy oryndaidy. «Taza Qazaqstan jobasynyń ózi nege turarlyq?! Sony kórsetip halyqaralyq deńgeide immidjimizdi kóterip alýǵa úlken múmkindik bul», - deidi depýtat.
Elordada ótip jatqan sammit aiasynda Ortalyq Aziia memleket basshylary tarapynan ortaq deklaratsiia qabyldaý josparlanýda.
Májilismen Samat Nurtazanyń sózinshe qazirgi ýaqytta kórshiles eldermen ekologiialyq ortaq máseleler bar. Onyń ishinde eń ózektisi – transshekaralyq sýlar máselesi.
«Ózderińiz bilesizder, bizde ózenderdiń kóbiniń bastaýy óz elimizden bastalmaidy. Ile, Ertis, Jaiyq bolsyn, ózge elderden keletindikten, sýdyń basynda kórshilerimiz otyr. Sondyqtan da biz olarǵa logistika beremiz, bidai beremiz, olar bizge sý beredi degen siiaqty diplomatiialyq qarym qatynas quryp otyrmyz. Syrtqy ister ministrligi bolsyn, Sý resýrstary ministrligi bolsyn, Prezidenttiń ózi bolsyn, osy baǵytta tynbai qyzmet etip jatyr. Sý bizdiń nómiri birinshi qoregimiz. Sýmen bári bailanysty», - dedi Nurtaza.
Depýtat Maqsat Tolyqbaidyń aitýynsha Ile ózeni sýynyń máselesi Beijińde talqylanyp jatyr. Óitkeni Ilege quiatyn saǵasynyń barlyǵyna zaýyttar men fabrikalar salyp tastaǵandyqtan sýdy ózine tartyp bara jatyr.
«Eger Ile ózineniniń sýy azaiatyn bolsa, Balqash kishireiedi. Odan bólinetin tuzdar Beijińge jetedi dep soǵan olar dabyl qaǵyp otyr. Al ol kóldiń qasynda otyrǵan biz ǵoi. Sondyqtan sý máselesi óte ózekti. », - dedi depýtat.
22-24 sáýiri aralyǵynda Astanada qorshaǵan orta men sý resýrstary problemalaryn talqylaý jáne ózekti máseleler boiynsha kelisimderge qol jetkizý úshin memleket basshylaryn, sarapshylar jáne halyqaralyq uiymdardyń jetekshilerin bir alańda biriktiretin alǵashqy Óńirlik ekologiialyq sammit ótýde.
Ortalyq Aziia elderinen, Eýropalyq Odaqtan, ShYU-nan jáne Taiaý Shyǵystan shamamen 1500 qatysýshy aǵymdaǵy máselelerdi talqylaý jáne memleketaralyq kelisimderge qol jetkizý úshin sammitke qatysýda.
Sammitte negizgi 8 taqyryp boiynsha máseleler talqylanady. Olar:
• Ekologiialyq jəne tabiǵi təýekelderge beiimdelý jəne ekonomikalyq ornyqtylyq;
• Azyq-túlik qaýipsizdigi jəne óńir ekojúiesi
• Tabiǵi resýrstardy ornyqty basqarý;
• Atmosferalyq aýanyń lastanýymen kúres jəne qaldyqtardy basqarý;
• Ekologiialyq ambitsiialarǵa qol jetkizý tetikteri;
• Ədiletti jəne inkliýzivti ótpeli kezeń;
• Ekologiialyq jəne tsifrlyq quzyretter;
• Klimattyq ótýdi qoldaý.
2026 jyly BUU-men seriktestikte Óńirlik ekologiialyq sammitti (ÓES 2026) ótkizý usynysyn Qazaqstan Respýblikasynyń Prezidenti Qasym-Jomart Toqaev 2023 jyly BUU Bas Assambleiasynyń 78-shi sessiiasy barysynda jariialaǵan bolatyn.
