Parlament Májilisi tóraǵasynyń orynbasary Vladimir Bojko Aýyl sharýashylyǵy ministrliginen orman qory ýchaskelerin jol qurylysyna berý sharalaryn jyldamdatýdy talap etti, dep habarlaidy QazAqparat.
«Jol qurylysy úshin paidalanylatyn jerlerge orman qorynyń 11 ýchaskesin aýystyrý boiynsha kelisý sharalarynyń negizsiz uzaqqa sozylýy máselesine Aýyl sharýashylyǵy ministrliginiń nazaryn aýdarǵan jón. Bul rette 118 gektar jer Aqmola, Qaraǵandy, Pavlodar, Shyǵys Qazaqstan oblystarynda tirkelgen. Bul jobalar 2015 jyldan beri QR Aýyl sharýashylyǵy ministrliginiń qaraýynda jatyr. Jol salatyndardy dálizderde ersili-qarsyly júrgizip qoiǵandy doǵarý kerek. Olardyń onsyz da problemalary az emes», - dedi Vladimir Bojko.
Budan bólek depýtattar Salyq kodeksiniń 748 baby aiasynda 2018 qańtarynan bastap jol salatyndar úshin inertti materialdar quny 10 esege artqanyn sóz etti.
«Nege osyndai úilesimsizdik oryn alyp otyr? Atap aitqanda, jer qoinaýyn paidalaný men jol salatyndar bir ministrliktiń quzyrynda. Sondyqtan bul baǵyttaǵy jumystardy úilestirip, jol qurylysyn tejeitin mundai faktilerdiń der kezinde aldyn alý qajet», - dep túidi V. Bojko.
