Bilik tarmaqtary arasynda ókilettikterdi qaita bólgennen keiin Parlamenttiń jańa quramy sailansa, Úkimettiń quramy da jańadan jasaqtalady. Búgin Parlament palatalarynyń birlesken otyrysynda QR Prezident Ákimshiliginiń basshysy Ádilbek Jaqsybekov osy bir mańyzdy ózgeris jaiynda aityp berdi, dep habarlaidy Ult.kz tilshisi QazAqparat agenttigine silteme jasap.
«Úkimettiń quramyn jasaqtaý barysynda Premer-Ministr Memleket basshysynyń qaraýyna úmitkerlerdiń tizimin usynady. Biraq aldymen Parlamentpen keńesip alady. Al syrtqy ister jáne qorǵanys ministrlerin Prezidenttiń ózi taǵaiyndaidy. Konstitýtsiialyq reformalar aiasynda mańyzdy bir norma bar. Oǵan sáikes, Úkimet óz ókilettilikterin jańadan sailanǵan Prezidenttiń aldynda emes, jańadan sailanǵan Parlamenttiń aldynda tapsyrady», - deidi Jaqsybekov.
Onyń aitýynsha, Parlamenttiń árbir palatasy belgili bir ministrdiń jumysyna qanaǵattanbasa, Prezidenttiń atyna úndeý joldaý arqyly ony jumystan shyǵara alady. Ondaida Memleket basshysy ministrdi qyzmetinen bosatady.
Aita keteiik, qazirgi ózgerister Parlamenttiń rólin kúsheitýdi kózdeidi. Májilis músheleri Úkimettiń quramyn jasaqtaýǵa atsalysyp, ministrler kabinetiniń jumysyn baqylai alady.
