Parlament Májilisiniń depýtaty Baqytjan Ábdiraiym «ministr zańdy oryndamasa, depýtattar Prezidentke úndeý joldaý arqyly ony jumystan bosata alady» degen konstitýtsiialyq ózgeriske qatysty túsinikteme berdi, dep habarlaidy Ult.kz tilshisi QazAqparat agenttigine silteme jasap.
«Endi, «zańdy oryndaý» degenimiz, ol - memlekettik baǵdarlamalardy oryndaý mindeti. Búginde Úkimettiń moinynda biraz memlekettik baǵdarlamalar bar ǵoi. Sol baǵdarlamalarǵa qytysty Parlamentke árbir ministrdi jeke-jeke shaqyryp, esep alý quqyǵyn berý usynylyp otyr. Memlekettik baǵdarlama bolǵan soń onyń ishinde naqty indikatorlar kórsetilgen. Sol indikatorlar oryndalmasa, depýtattar ministrdi jumystan bosatý týraly usynys jasai alady», - dedi Ábdiraiym QazAqparat tilshisine bergen suxbatynda.
Aita keteiik, otyrys barysynda QR Prezidenti Ákimshiliginiń basshysy Ádilbek Jaqsybekov jańa konstitýtsiialyq ózgerister boiynsha depýtattardyń ministrlerdi taǵaiyndaý jáne jumystan shyǵarý jumysyna qatysa alatyndyǵyn jetkizdi.
Depýtattar bolsa, syrtqy ister men qorǵanys ministrimen birge ishki ister ministrin taǵaiyndaýdy da Prezidenttiń quzyretinde qaldyrý qajet dep sanaidy.
.jpeg)