Atyraý oblysy Qurmanǵazin aýdanynda aýdandyq máslihat depýtatynyń 63 jyldyq mereitoiyna jylqy syiǵa tartylǵan. Osydan keiin týǵan kún iesi qatań synǵa ushyrady. Bul týraly ATPress.kz jazady, - dep habarlaidy Tengrinews.kz portaly.
Áleýmettik jelide memlekettik týǵa "oralyp", sheneýnikke jasalǵan erekshe syilyq qyzý talqylanyp jatyr. Olardyń kópshiligi aýyl turǵyndary shekten shyqqan degen pikirge kelisken.
Jaǵdaiǵa qatysty oblys ákimdigi pikir bildirdi.
"Bul syilyq ardagerler keńesi qoǵamdyq birlestiginiń, sondai-aq Qurmanǵazy aýdany, Eńbekshi aýyldyq okrýginiń turǵyndary atynan jasalǵan. Týǵan kún iesine qurmet retinde atqa Qazaqstan Respýblikasynyń memlekettik týynyń elementteri bar arnaiy jabý jabylǵan. Aita keteiik, bul jabý zoodúkeninen satyp alynǵan", - dedi ákimdik ókilderi.
