Parlament Májilisiniń jalpy otyrysynda depýtat Azamat Ábildaev QR Premer-Ministriniń orynbasary Roman Skliardyń atyna veterinariialyq ahýaldy jaqsartý máselesine qatysty saýal joldady, dep habarlaidy QazAqparat.
«Veterinariia júiesindegi toqyraý aýyl sharýashylyq taýar óndirýshilerdiń zardap shegýi men tabysynan qaǵylýy, mal sharýashylyǵy salasynyń investtsiialyq tartymdylyǵynyń tómendeýi, biýdjettik qarajattyń tiimsiz jumsalýy siiaqty jaǵymsyz saldarǵa ákelip soǵady. 2020 jyly nodýldik dermatittiń taralýyna bailanysty ár túrli vaktsinalaý júrdi. Nátijesinde mal qyrylǵan faktiler az emes. Halyqaralyq tájiribege súiensek, Braziliia jáne mal sharýashylyǵy damyǵan basqa da elderde aýrýdyń aldyn alý úshin - vaktsinalaý mindetti shara. Memleketten brýtsellez siiaqty asa qaýipti mal aýrýlaryn diagnostika jasaý úshin jáne sanitarlyq soiýdy kompensatsiialaý úshin jylyna qanshama qarajat bólinedi. Onyń ornyna, bul qarajatty brýtsellez aýrýyna qarsy - mindetti vaktsinatsiialaýǵa jumsaǵan jaǵdaida 2-3 jylda bul indetten tolyq qutylýǵa bolady», - dedi depýtat.
Onyń aitýynsha, ereje boiynsha, mal tóli bir apta ishinde tirkelýi tiis. Al, tirkelmegen jaǵdaida fermerlerge negizsiz aiyppul salý, memlekettik qoldaýdan qaǵylýǵa ákep soǵady. Mysaly, tól jónindegi málimetti mal sharýashylyǵy aqparttyq júiesi bazasyna úsh aidan keshiktirmei engizý múmkin emes. Óitkeni birkalar eń jyldam degende jaz ailarynda ǵana kelip túsedi. Ministrlik memlekettik satyp alý júiesine siltep, birkalarmen ýaqtyly qamtamasyz etý boiynsha óz mindetterin oryndamaidy.
«Mal sharýashylyǵynyń aqparattyq júiesi 10 jyl buryn ázirlengen, búginde mundai format zaman talabyna sai emes. Blokcheiin siiaqty zamanaýi tehnologiialar bar. Onda mal iesi elektrondy ótinim jiberedi, al veterinar kelip túsken ótinimdi tirkep qoiady. Osylaisha operatsiianyń tsifrlyq izi belgilenedi jáne alaiaqtyqtan qorǵaidy. Osyndai kóp arnalylyq ádistemeni engizý qajet», - dedi Azamat Ábildaev.
Sonymen qatar ol memlekettik veterinariialyq qyzmettiń materialdyq-tehnikalyq jabdyqtalýy nashar ekenin, sonyń ishinde zerthanalarda reaktivter tabylmai, reagentterdiń jaramdylyq merzimi talapqa sai kelmei jatatynyn aitty.
«Bul saladaǵy maman tapshy. Onyń bir sebebi – memlekettik veterinar dárigerlerdiń eńbek aqysy orta eseppen 70 myń teńge. Qarajattyń azdyǵy bilikti mamandardyń tapshylyǵyna, jastardyń osy mamandyqqa barýǵa yntanyń bolmaýyna ákep soǵady.
Budan bólek, mal sharýashylyǵy ónimin eksporttaý úshin jańa naryqtar ashylmaǵan. Buǵan deiin jumys istep kelgen naryqtar jabylýda. Veterinariialyq ahýaldy jaqsartý baǵytyndaǵy jumys toqtap qalǵan», - dedi depýtat.
