Májilis depýtaty, Áleýmettik-mádeni damý komitetiniń tóraǵasy Jámila Nurmanbetova búginde el ishinde qyzý talqyǵa túsken «Otbasylyq-turmystyq zorlyq-zombylyqqa qarsy is-qimyl týraly» zań jobasy jaiynda pikir bildirdi, dep habarlaidy "Ult aqparat"
Halyq qalaýlysy óz oiyn Facebook paraqshasynda jazdy.
«Qazaqstan Respýblikasy Parlamenti Májilisiniń Áleýmettik-mádeni damý komitetiniń jańadan sailanǵan tóraǵasy retinde osy kúnderi «Otbasylyq-turmystyq zorlyq-zombylyqqa qarsy is-qimyl týraly» Qazaqstan Respýblikasy Zań jobasynyń negizgi erejelerin egjei-tegjeili jáne syndarly túrde zerttedim. BAQ-ta sarapshylar da, azamattyq qoǵam ókilderi de aitqan pikirlerdi, sondai-aq azamattardyń kóptegen ótinishterin taldap qaradym. Barlyq obektivti usynystardy, pikirler men málimdemelerdi tarazylai otyryp, atalmysh zań jobasynyń redaktsiiasyn keri qaitaryp, birlesken jumysty bastaýǵa bolady dep oilaimyn» dep jazady Jámila Nurmanbetova.
Onyń aitýynsha, Memleket basshysynyń jynystyq zorlyq-zombylyq, pedofiliia, esirtki taratý, adam saýdasy, áielderge qatysty turmystyq zorlyq-zombylyq jáne jeke adamǵa, ásirese balalarǵa qatysty basqa da aýyr qylmystar úshin jazany qatańdatý qajettigi týraly tiisti tapsyrmasy bar.
«Sondai-aq, «Nur Otan» partiiasynyń sailaýaldy baǵdarlamasynda otbasy institýtyn nyǵaitýǵa baǵyttalǵan úlken bólim bar, onda turmystyq zorlyq-zombylyqty azaitý boiynsha qatań sharalar qabyldaý týraly aitylǵan. Osyǵan bailanysty «Nur Otan» partiiasy fraktsiiasynyń pikirtalas alańynda barlyq múddeli tulǵalardy, sonyń ishinde azamattyq qoǵam ókilderi men belsendilerin, táýelsiz sarapshylardy tarta otyryp, osy áleýmettik mańyzy bar taqyryp boiynsha aldyn ala keńinen talqylaý júrgizýdi usynamyn» deidi depýtaty.
Jámila Nurmanbetova jan-jaqty talqylaý qorytyndysy boiynsha otbasylyq-turmystyq zorlyq-zombylyqqa qarsy is-qimyldyń pármendi tetigin quratyn zań jobasynyń jańa modelin birlesip ázirleitinimizge senetinin jetkizdi.
