QR Memlekettik hatshysy Erlan Qarin bir mandatty sailaý orkýgteriniń ne úshin engiziletinin túsindirdi, dep habarlaidy QazAqparat.
«Bir mandatty sailaý okrýgteri engiziledi. Iaǵni saiasi partiialarmen qatar Májiliske jáne oblystyq máslihattarǵa partiiaǵa múshe emes depýtattar sailana alady. Al qalalyq jáne aýdandyq máslihat depýtattaryn túgeldei birmandattyq okrýgter arqyly sailaý josparlanyp otyr. Bul ózgeris sailaýshylarǵa ne beredi? Birinshiden, qazir azamattardyń kóbi máslihattaǵy óz depýtattaryn tanymaidy. Óitkeni olar partiialyq tizim boiynsha sailanady. Endi azamattar sailaýda ózi qalaǵan partiiaǵa ǵana emes, naqty kandidatqa daýys bere alady. Tipti óz kandidatyn da usyna alady. Sol arqyly depýtattardyń sailaýshylar aldyndaǵy jeke jaýapkershiligi artady», - dedi Erlan Qarin Youtube arnasynda jariialanǵan referendým týraly rolikte.
Onyń paiymynsha, bir mandattan sailanǵan depýtattar óz sailaýshylaryn tolǵandyratyn máselelerdi sheshý úshin baryn salýǵa májbúr bolady.
«Mundai máseleler kóp. Atap aitqanda, jol jóndeý, taza sýmen qamtamasyz etý, jańa mektep nemese aýrýhana salý, jastardy jumyspen qamtý siiaqty túitkilder jii kóteriletini jasyryn emes. Onyń bári barynsha shuǵyl jáne sapaly sheshiledi. Sondai-aq sailaýshylarǵa bir mandatty okrýg boiynsha sailanǵan depýtattardy keri qaitarý quqyǵy beriledi. Bul – jańa mehanizm. Eger depýtat sailaýshylarynyń senimin aqtamasa, jumysyn tiimdi atqarmasa, onyń ókilettik merizimi aiaqtalýyn kútpesten, laýazymnan bosatýǵa bolady. Osylaisha Májilistiń de, máslihattardyń da depýtattary óz sailaýshylarynyń, iaǵni, sizderdiń aldaryńyzda tikelei jaýapty bolady», - dedi Memlekettik hatshy.
