Mańǵystaý oblystyq máslihatynyń depýtaty Erbol Aitýovtyń qaitys bolýyna bailanysty ol em qabyldaǵan meditsinalyq mekemede jospardan tys tekserý júrgizildi. Tekserý nátijesin Meditsinalyq jáne farmatsevtikalyq baqylaý komitetiniń Mańǵystaý oblysy boiynsha departamenti habarlady, dep habarlaidy ult.kz.
Naýqastyń týystarynyń ótinishi negizinde Aqtaýdaǵy “Qasiet” meditsinalyq ortalyǵy tekserilgen. Tekserý 29 sáýir men 15 mamyr aralyǵynda ótti. Iske táýelsiz beiindi mamandar — plastikalyq hirýrg pen anesteziolog-reanimatolog tartylǵan.
Qorytyndy boiynsha naýqasty josparly hirýrgiialyq operatsiiaǵa daiyndaý jáne meditsinalyq kómekti uiymdastyrý barysynda birqatar meditsinalyq standarttardyń buzylǵany anyqtaldy.
Vedomstvo málimetinshe, tekserý materialdary quqyq qorǵaý organdaryna joldanǵan.
Eske salaiyq, depýtat Erbol Aitýov Aqtaýdaǵy atalǵan klinikada liposaktsiia jasatýǵa barǵan. Ota kezinde narkozdan keiin onyń jaǵdaiy kúrt nasharlap, insýlt alǵan. Keiin komaǵa túsip, bir aidan soń kóz jumǵan.
