Parlament Májilisi depýtat Andrei Linniktiń ókilettigin merziminen buryn toqtatty, dep habarlaidy Sputnik Qazaqstan.
Májilistiń jalpy otyrysynda depýtat Andrei Linniktiń ókilettigin merziminen buryn toqtatý máselesi qaraldy.
Ortalyq sailaý komissiiasynyń múshesi Shavhat Ótemisovtiń aitýynsha, Linnik Májilisten ketý týraly óz erkimen ótinish bergen.
"Osyǵan orai Ortalyq sailaý komissiiasy sizderdiń nazarlaryńyzǵa Májilis depýtaty Andrei Linnikti ótinish berýine bailanysty onyń ókilettigin merziminen buryn toqtatý týraly usynym engizip otyr", - dedi Ótemisov.
Májilis depýtattary usynymdy biraýyzdan qoldap daýys berdi.
Buǵan deiin "Aq jol" partiiasynyń tóraǵasy, májilismen Azat Perýashev Andrei Linniktiń Parlamentten ketetinin málimdegen edi. Aitýynsha, áriptesi óz biznesine oralady.
Andrei Linnik 1974 jyly Jambyl oblysynyń Merki aýdanynda dúniege kelgen.
On jyldai jeke kásipker boldy. "Forpost – investitsii i razvitie" JShS bas direktory, "ASPARA MUNAY" JShS bas direktory qyzmetin atqardy.
2021 jylǵy qańtardan bastap – VII sailanǵan májilis depýtaty. Qazaqstannyń "Aq jol" demokratiialyq partiiasy fraktsiiasynyń múshesi.
2021 jyly naýryzda "Ulttyq konkishiler federatsiiasy" respýblikalyq qoǵamdyq birlestiginiń prezidenti bolyp sailandy.
Májilistiń resmi saitynda Andrei Linniktiń segiz balany tárbielep otyrǵany aitylǵan.
