پارلامەنت مەجٸلٸسٸ دەپۋتات اندرەي ليننيكتٸڭ ٶكٸلەتتٸگٸن مەرزٸمٸنەن بۇرىن توقتاتتى, دەپ حابارلايدى Sputnik قازاقستان.
مەجٸلٸستٸڭ جالپى وتىرىسىندا دەپۋتات اندرەي ليننيكتٸڭ ٶكٸلەتتٸگٸن مەرزٸمٸنەن بۇرىن توقتاتۋ مەسەلەسٸ قارالدى.
ورتالىق سايلاۋ كوميسسيياسىنىڭ مٷشەسٸ شاۆحات ٶتەمٸسوۆتٸڭ ايتۋىنشا, ليننيك مەجٸلٸستەن كەتۋ تۋرالى ٶز ەركٸمەن ٶتٸنٸش بەرگەن.
"وسىعان وراي ورتالىق سايلاۋ كوميسسيياسى سٸزدەردٸڭ نازارلارىڭىزعا مەجٸلٸس دەپۋتاتى اندرەي ليننيكتٸ ٶتٸنٸش بەرۋٸنە بايلانىستى ونىڭ ٶكٸلەتتٸگٸن مەرزٸمٸنەن بۇرىن توقتاتۋ تۋرالى ۇسىنىم ەنگٸزٸپ وتىر", - دەدٸ ٶتەمٸسوۆ.
مەجٸلٸس دەپۋتاتتارى ۇسىنىمدى بٸراۋىزدان قولداپ داۋىس بەردٸ.
بۇعان دەيٸن "اق جول" پارتيياسىنىڭ تٶراعاسى, مەجٸلٸسمەن ازات پەرۋاشەۆ اندرەي ليننيكتٸڭ پارلامەنتتەن كەتەتٸنٸن مەلٸمدەگەن ەدٸ. ايتۋىنشا, ەرٸپتەسٸ ٶز بيزنەسٸنە ورالادى.
اندرەي ليننيك 1974 جىلى جامبىل وبلىسىنىڭ مەركٸ اۋدانىندا دٷنيەگە كەلگەن.
ون جىلداي جەكە كەسٸپكەر بولدى. "فورپوست – ينۆەستيتسيي ي رازۆيتيە" جشس باس ديرەكتورى, "ASPARA MUNAY" جشس باس ديرەكتورى قىزمەتٸن اتقاردى.
2021 جىلعى قاڭتاردان باستاپ – VII سايلانعان مەجٸلٸس دەپۋتاتى. قازاقستاننىڭ "اق جول" دەموكراتييالىق پارتيياسى فراكتسيياسىنىڭ مٷشەسٸ.
2021 جىلى ناۋرىزدا "ۇلتتىق كونكيشٸلەر فەدەراتسيياسى" رەسپۋبليكالىق قوعامدىق بٸرلەستٸگٸنٸڭ پرەزيدەنتٸ بولىپ سايلاندى.
مەجٸلٸستٸڭ رەسمي سايتىندا اندرەي ليننيكتٸڭ سەگٸز بالانى تەربيەلەپ وتىرعانى ايتىلعان.
