Májilis depýtaty Mádi Elýbaev Qyzyl kitapqa engen qyzǵaldaqtar men lotos úshin aiyppuldy alyp tastaýdy surady. Ol adamdar bul ósimdikterdiń sirek kezdesetinin bilmei milliondaǵan aiyppul tólep, nesiege kirip jatatynyn aitty, - dep habarlaidy Tengrinews.kz.
"QK-niń 335 jáne 336-baptarynda sanktsiialar óte qatań. Búgingi tańda azamattarymyz jabaiy qyzǵaldaqtar men lotostardy julyp alǵany úshin milliondaǵan aiyppul tóleidi. Kóp adam olardyń Qyzyl kitapqa engenin bilmeidi.
Mysaly, birneshe jabaiy qyzǵaldaqty julyp alǵan adam ustaldy. Oǵan 8 million teńgeden asa aiyppul salyndy. Bul aiyppuldy jabý úshin ol nesie alyp, ózin tyǵyryqqa tiredi.
Mundai adamdar úshin jazany jeńildetý qarastyryla ma? Múmkin, bul jabaiy qyzǵaldaqtar men lotostardy sirek kezdesetin ósimdikter tiziminen shyǵaryp, Qyzyl kitapqa engizý kerek shyǵar" - dep surady depýtat Májilis otyrysynda.
Ekologiia, geologiia jáne tabiǵi resýrstar ministri Qazaqstan Konstitýtsiiasynyń 38-babyna sáikes barlyq qazaqstandyq qorshaǵan ortany saqtaýǵa mindetti ekenin aitty.
"Sanktsiialar tek quqyq buzýshylarǵa qatysty qarastyrylǵan. Sizdiń usynystardy jumys toby sheńberinde qarastyrýǵa daiynbyz", - dedi ministr.
