Jaiylymdyq jerdiń bolmaýy - jergilikti ákimderdiń halyqtyń muń-muqtajyna nemquraily qaraýynan týyndaityn másele. Bul týraly Antikor Live baǵdarlamasynda QR Parlamenti Májilisiniń depýtaty Erlan Sairov aitty, dep habarlaidy QazAqparat.
«Sybailas jemqorlyqqa qarsy qoǵamdyq keńestiń kelesi otyrysynda maldyń jaiylymy máselesin qaraimyz. Bul - óte ózekti másele. Ózderińiz bilesizder, jaqynda ǵana Túrkistan oblysyndaǵy aýyl azamattary jaiylymdyq jer joq ekenin aityp ákimdik aldynda jinaldy. Bul Qazaqstannyń barlyq oblysynda bar másele. Kóptegen aýdanda latifýndister jerdiń bárin alyp qoiǵan jáne jerdi paidalanbasa da halyqqa paidalanýǵa beriden bas tartady», - deidi Erlan Sairov.
Ol Shyǵys Qazaqstannyń Tarbaǵatai aýdany, Jańalyq aýylynda da osyndai másele bolǵany týraly aitty.
«Aýyl turǵyndary mal jaiyp júrgen jerdi qazyp, ol jerge mal jaiýǵa tyiym salyp tastaǵan. Sonda halyq qaida barady? Marsqa ushyp ketetin Ilon Mask emespiz ǵoi. Munyń bári jergilikti ákimderdiń halyqtyń muń-muqtajyna nemquraily qaraýynan týyndaidy. Bizdiń qoǵamdyq keńes quqyq qorǵaý organdarynyń ornyn almastyra almaidy, biraq osyndai máselelerdiń aldyn alý jaǵyn qarastyrady», - deidi ol.
