Parlament Májilisiniń depýtaty Baqytgúl Hamenova Qazaqstanda bebi-boks engizý bastamasyn qaita usyndy, dep xabarlaidy Ult.kz tilshisi QazAqparat agenttigine silteme jasap.
Úkimet basshysy Baqytjan Saǵyntaevqa joldaǵan depýtattyq saýalda Hamenova jańa týǵan nárestelerdiń qoqys jáshiginen jii tabylyp jatqanyna úlken alańdaýshylyq bildirdi.
«Bas prokýratýranyń málimetteri boiynsha, 2016 jyly Qylmystyq kodekstiń 119 baby "balany qaýipti jaǵdailarda qaldyryp ketý" faktisi boiynsha ishki ister organdary 15 is qozǵady. 2017 jyldyń 3 aiynda 8 oqiǵa tirkeldi. Ókinishke qarai, mundai oqiǵalar ósip jatyr. Qyzdar urpaq jalǵastyrýy tiis. Qyzdarymyzdyń tárbie-ónegesi - bolashaq býynnyń taǵdyry», - dedi ol Májilistiń plenarlyq otyrysynda.
Osy turǵyda xalyq qalaýlysy oqý oryndarynda jas qyzdardyń rýxani damýyna den qoiý qajettigin atap ótti.
«Keibir elderle "úmit besigi" - bebi-boks degen bar. Áielder isi jáne otbasy-demografiialyq saiasat jónindegi ulttyq komissiia jáne qoǵamdyq uiymdarǵa kúsh biriktiretin ýaqyt jetti. Osyndai "úmit besikteri" kóptegen batys elderinde meditsinalyq mekemelerdiń janynda ornatylady. Osylaisha, myńdaǵan náresteniń ómirine arasha boldy. Atalmysh bokstardy ornatý oryn alǵan jaǵdaidy sheshe alar edi», - dedi ol.
