Parlament Májilisiniń depýtaty Irina Smirnova qazaqstandyq muǵalimderdiń, tárbieshilerdiń jáne pedagogikalyq mekeme jumysshylarynyń jalaqysyn ósirýdi surady, - dep habarlaidy "Ult aqparat" kaz.tengrinews.kz portalyna silteme jasap.
"Pedagogtar ujymynyń qyzmetine qatysty, jalaqy somasyna qaraǵanda, artylǵan mindetterdi oryndaýdyń múmkindigi kúmán týǵyzady. Balabaqsha tárbieshisiniń jalaqysy - 40 myń teńge, endi jumysqa turǵan muǵalimdiki 46 000 teńge. Tárbieshiler men muǵalimderdiń jalǵyz "motivatory" - balalarmen jumys isteýi, balalardyń ózi", - dep atap ótti depýtat premer-ministrdiń atyna joldaǵan saýalynda.
Irina Smirnova muǵalimderdiń qosymsha mindetteri bar ekenin aityp otyr.
"Alatyn az kólemdegi jalaqysymen qatar qosymsha mindetteri kóp, ony qoǵamdyq jumystar dep júrmiz. Máselen, jalpy bilim berýdi alaiyq. Árbir muǵalim qalanyń, aýyldyń ýchaskesine bekitilip qoiǵan, ol ár ýchaskeni úsh ret ainalyp ótýi tiis, bul ýchaskesinde kópqabatty úiler nemese ondaǵan jeke úi, saiajai massivi bar, ondaǵy 0-18 jas aralyǵyndaǵy balalardy tirkep shyǵýy tiis. Tirkeýge málimetti bergisi kelmeitin turǵyndar da bar, onyń ústine bergen málimeti úshin turǵyndar jaýapkershilik arqalamaidy. Tipti málimet bergisi kelmei, itin aitaqtap otyratyn azamattar da barshylyq. Muǵalimniń qandai qaýip-qaterde júrgenin eshkim oilamaidy, oqytýshylardyń kóbi áielder, olar jumys ýaqyty aiaqtalǵannan keiin esh aqysyz qoǵamdyq jumystarǵa tartylady. Al ýchaskesinde balalar bolsa, olardyń qaida oqitynyn anyqtap, tirkeýi tiis. Ýchaskesinde oqýǵa tartylmaǵan bala bolsa, direktorǵa, osyǵan jaýapty direktor orynbasaryna qatysty jumystan bosatýǵa deiin másele kóteriledi. Jalpy alǵanda el muǵalimderi bir jyl ishinde úsh márte halyq sanaǵyn júrgizip shyǵady", - deidi Smirnova.
Sonymen qatar, aitýynsha, Almatydaǵy qoǵamdyq kólikte jolaýshylar tasymaldaýǵa arnalǵan "Ońai" jol júrý kartasynyń qujattary tolyqtai muǵalimderdiń kómegimen rettelgen.
"Al kólik uiymdary memlekettik te emes, jeke. Onyń ústine - qujattar óte kóp, jumys jospary tyǵyz: kúntizbelik, uzaqmerzimdi, ortasha merzimdi, sabaq jospary, óziniń jeke damýynyń jospary, mektep bólimshesiniń belgili bir jospary, osylai kete beredi", - dedi depýtat.
Smirnovanyń aitýynsha, muǵalimder osy mindettiń barlyǵyn oryndap, isiniń dáleli retinde fotoesep, stsenarii, oqýshylardyń essesi, áriptesteri men ata-analardyń pikiri túrindegi jumys ótkizýi tiis.
"Synyp jýrnalyn engizý, áli qaǵaz túrindegisi alyp tastalǵan da joq, ústine elektrondyq jýrnaly da qosylyp otyr. Bilim alyp jatqan balalar týraly málimetterdi Ulttyq bilim berý bazasyna qosý, onda árbir balaǵa kóptegen suraq qoiylady, jaýaby talap etiledi. Bul aqysyz isteletin ári atqarylýy qiyn jumystar. Júieniń qyzmeti boiynsha arnaiy mólsherleme joq", - dedi ol.
Osylai dei kele, depýtat muǵalimderdiń, tárbieshilerdiń, pedagogikalyq mekeme jumysshylarynyń jalaqysyn ósirýge qarajat tabýdy, muǵalimderdiń biliktiligin arttyrý júiesin tiimdi etý múmkindikterin qarastyrýdy, ony qashyqtyqtan júzege asyrý formasyn engizýdi, mektep muǵalimderiniń ádistemelik birlestikteriniń jetekshileriniń aqysy máselesin sheshýdi, muǵalimderdiń kúshin balalardy tárbieleýmen jáne bilim berýmen bailanysy joq belgili bir mindetterdi oryndaýda tartpaýdy surady.
Suranysqa "Halyq kommýnisteri", "Aq jol", "Nur Otan" frakntsiialarynyń depýtattary jáne Qazaqstan halqy assambleiasy májilismeni qol qoidy.
.jpeg)