Májilis depýtaty Albert Raý Indýstriia jáne infraqurylymdyq damý ministri Qaiyrbek Óskenbaevtyń Qazaqstanda respýblikalyq mańyzy bar joldardyń 90 paiyzy jáne jergilikti mańyzy bar joldardyń 80 paiyzy jaqsy jaǵdaida degen baiandamasyn synǵa aldy, - dep habarlaidy Tengrinews.kz agenttigi.
"Eldegi avtomobil joldarynyń jalpy uzyndyǵy 96 myń shaqyrym, onyń 25 myńy - respýblikalyq mańyzy bar, 71 myńy - oblystyq jáne aýdandyq mańyzy bar joldar. Memleket basshysynyń tapsyrmasy boiynsha bizdiń aldymyzda 2025 jyly respýblikalyq jeli boiynsha normativtik jaǵdaidaǵy joldardyń úlesin 100 paiyzǵa, jergilikti jeli joldary boiynsha 95 paiyzǵa jetkizý mindeti tur. Búginde normativtik jaǵdaida respýblikalyq jeli joldarynyń 90 paiyzy, jergilikti jeli joldarynyń 80 paiyzy", - dedi Óskenbaev Májilistegi Úkimet saǵatynda.
Albert Raý bul máselede buryn májilismender ózderiniń depýtattyq saýaldarynda kótergen, sondai-aq azamattar shaǵymdanyp júrgen kúmándi jaittar bar ekenin aitty.
"12 myń shaqyrymǵa jýyq respýblikalyq avtojoldardy salý jáne rekonstrýktsiialaý qajet. Bul - respýblikalyq mańyzy bar joldardyń 50 paiyzǵa jýyǵy. Biz 90 paiyzǵa jaqyndadyq desek te, dúniejúzilik ekonomikalyq forýmnyń reitingisinde jol sapasynyń kórsetkishi boiynsha álemniń 141 eli arasynda 93-orynda turmyz. Keniia men Tanzaniia bizden joǵary", - dedi depýtat Albert Raý.
Sonymen qatar, ol Qaraǵandy-Ýspenka-Resei shekarasy avtojolyn qaita jańartý jáne Shalqar-Bozoi-Ózbekstan shekarasy avtojolyn salý máselelerin atap ótti. Al Ortalyq - Batys kólik dálizin Astana-Qorǵaljyn-Torǵai-Yrǵyz tasjolyn jóndeý jumystary áli bastalmaǵanyn, biraq respýblikalyq biýdjetten úsh milliard teńge jumsalǵanyn aitty.
Raý sońǵy alty jylda joldardy jóndeýge 800 milliard teńge bólingenin, biyl respýblikalyq biýdjetten 300 milliard teńge, al jergilikti biýdjetten taǵy 93 milliard teńge jumsaý josparlanyp otyrǵanyn málimdedi.
"IIDM málimetteri boiynsha, jergilikti mańyzy bar joldardyń 80 paiyzy qanaǵattanarlyq jaǵdaida. Alaida, júrgizilgen taldaý nátijesinde jergilikti joldardyń tek 18 myń shaqyrymy nemese 26 paiyzy asfaltbetonmen qaptalǵan. Joldardyń sapasyn baǵalaýdy qaita qaraý qajet. Sodan keiin naqty málimet belgili bolady", - dedi depýtat.
