Sońǵy aptalarda eldegi eńbek ujymdary arasynda mitingiler men ereýilder sany artyp keledi. Bul týraly Májilistiń jalpy otyrysynda depýtat Ekaterina Smyshliaeva aitty, dep habarlaidy QazAqparat tilshisi.
«Bul mitingiler kelissózder kezeńinen tys ketip jatyr. Bul óz kezeginde alańdatady. Eńbek qatynastary salasynda jumysshylardyń, jumys berýshilerdiń jáne memlekettiń tiimdi ózara is-qimylyn áleýmettik seriktestik júiesi qamtamasyz etýi tiis edi. Biraq qazirgi túrinde ol nátije bermei otyr», - dedi Smyshliaeva Úkimet basshysynyń orynbasary Eraly Toǵajanovtyń atyna joldaǵan saýalynda.
Onyń aitýynsha, eki jyl qatarynan elimizdegi úsh jaqty kelisimdi óńirler deńgeiinde eki tarap bekitip keledi, iaǵni kásipodaq pen memleket. Buǵan deiin jumys berýshiler atynan «Atameken» palatasy shyǵatyn. Alaida, keiinnen palata bul ókilettikten bas tartqan.
«Dál osy palata shyn máninde jumys berýshilerdiń monopoliialyq uiymy bolyp sanalady, kezinde barlyq salalalyq qaýymdastyqtardy ózine qamtyǵan edi», - dedi depýtat.
Onyń sózine qaraǵanda, óńirler ákimderi jumys berýshilerden ujymdyq sharttardy talap etip otyr. Osy oraida ońtaily jetistikter jasaǵan. Qazirgi kezde 150 myńnan astam kelisim bekitildi.
«Alaida qujattyń sapaly jasalýyna múmkin bolmai tur. Sharttardyń basym bóligine kásipodaq emes, «jumysshylardyń ókili» qol qoiyp keledi. Sharttar tyńǵylyqty saraptamasyz inspektorlar tarapynan tirkelip, eńbek kodeksiniń normalaryn qaitalap otyr. Sondyqtan ujymdyq sharttar negizgi qadamdardy qamtymaidy, iaǵni eńbekti tóleý máseleleri eskerilmegen», - dedi depýtat.
Onyń paiymynsha, jumys berýshiler únemi áleýmettik seriktestik júiesine qatyspaý múmkindikterin qarastyrady. Atap aitqanda, bul negizinen jeke investorlǵa qatysty.
Bul turǵyda áleýmettik seriktestik rólin kúsheitý maqsatynda myna usynystar jasaldy:
- Bas kelisimge qol qoiatyn úshinshi tarapty aiqyndaý.
- Ujymdyq sharttar mazmunyna saraptamany kúsheitý.
- Barlyq deńgeidegi úshjaqty komissiialar quramyn qaita qaraý. Olardyń jumysynyń jariialyǵyn qamtamasyz etý úshin otyrystardyń onlain-transliatsiiasy tájiribesin engizý.
-Investitsiialyq sharttardy qurǵan kezde investorlardyń áleýmettik seriktestik júiesine qatysýy mindetin engizý.
